Ich Hensel Anhanger cze Palczingen, Ulreich des Anhanger cze Hueb sa^eligen su^en, vergich offenleich mit dem gegenwu^ertigen briff und tu^en kund allen den er fu^erpracht wirt, daz mir der erwirdige herr abbt Symon cze Lambach und der gancz convent des selbigen goczhaws auff trews hant enpholn haben in farstmaisters gweiss inne cze haben irew farstrew den Chlyngelwalt und den Spiczwalt, gelegen in der Gerbolczkirchen also, daz ich in treuwleich dar inne schal czu^e sehen und inne haben, daz in daran icht scha^eden geschehen und in ir farstrecht da von in pringen und antwurten alz es von alter her komen ist mit der beschaiden, wenn es in nicht lenger fuegleich wer mir cze lasen und in cze haben und ain andern farstmaister dar u^eber cze seczen maintan und weln, da schol ich si^e inne fu^erdern und nyndert engen noch irren, wider mit worten noch mit werchen, haymleich noch offenleich nach ander y^emand an meiner stat daz versprech ich in bey mein trewn an aydes stat an alles gebaer, und waz ich in irru^eng dar inne taet oder ander ymand von mein wegen, wie sich daz fuegetew, wes si^e des scha^eden nemen, den schuln si haben cze mein trewn und dar czu auff aller meiner habe, wi^e di^e gnant ist, nichtz au^esgnomen in dhainerlay weiss an alles gebaer; dar u^eber geb ich in den offen briff, versigelten mit meinem anhangunden insigel, und cze pesser sicherhait und czewgnu^ess mit meins vettern Petern des Anhanger von Chotpach und mit des erbern Grego^erigen des Rathalmynger di^e czeit richter cze Starchenberch, paider anhangunden insigeln, die ier insigel durch meiner fleissigen pett wil an den briff gehangen haben in und irn erben an schaden, der geben ist nach Christi gepurd virczehenhundert jar, darnach in dem dritten jar des mittichen vor dem heiligen prehen tage.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 514f, Nr. 433