Ich Gregorg der Rathalminger, meyn hawsfraw Dorothe mit sampt uns all unser erben vergehen offenlich mit dem gegenwurtigen briff und tun chunt allen den, die in sehent, ho^ernt oder lesent, daz uns unser gna^ediger herr abbt Symon ze Lambach mit veraintem rat seins convents desselbigen gotshaus verlihen haben ze rechten erbrecht die mul, genant die Vreymu^el, gelegen in Meckenhofer pfarr, und ist rechts erbrecht von dem gotshaws cze Lambach mit alle dem, daz durch recht dar czu gehort wie daz genant ist, nichts ausgnomen, die wir kawfft haben von Jo^ergen von Paltingen und Thomel von Paltingen von Symon ab der Leyten und von Hensel, Chunrats, des Staydinger sun und vom mu^elner von Mo^esel und von seiner hawsfraw und auch von Steffel von Gru^enpach und von seiner hawsfraw, der aller erib die benant mul gewesen ist, mit solicher beschaidenhait, daz wir und alle unser erben dem benanten gotshaws ze Lambach von desselben mu^el alle jar ja^erleichen raichen und dinen schu^ellen an unser frawen tag ze der dinst zeit syben new Wienner phennig und nicht mer unverczigen des gotshaus rechten in allen andern sachen, und wann wir in den dinst cze rechten ta^egen nicht raichten noch geben, so schullen wandel dar auff gen ze dreyen virczehenta^egen inner virczehen tagen sechczik Wienner phennig, und wann wir oder unser erben sew des dinsts und der wandel ze hant nach den dreyen virczehen tagen nicht geben noch raichen, so scholl sich die obgnant mull ledickleich vervallen haben dem vorgnanten gotshaus ze Lambach an allen chrieg und an alle widerred unser und aller unser erben an alls gever. Das daz also sta^et und unzebrochen beleib, dar uber geben wir in den offen briff, versigelt mit meyns obgnanten Gregorien des Rathalminger aigem anhangundem insigel, und darczu ze czewgnu^es mit meyns vettern Hansen des Rathalminger auch anhangundem insigel, der daz durch unser vleissigen pet willen an den prieff gehangen hat im und allen seinen erben an scha^eden. Der briff ist geben nach Christi gepurt virczehenhundert jar dar nach in dem dritten jar des mitichen nach sand Jo^ergen tag.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 526f, Nr. 440