[Wir Erasm von Gots] genaden, abt ze Lambach und der gancz convent daselbs vergehen und tun chund offendleich mit dem [...] schullein und schuldig warden sein den erbern Wolfganngen dem Slusselberiger und seinen pruedern und allen [iren eriben] sechkczig phunt gueter Wyenner phenning, dy sew uns gelichen habent ze fudrung und ze nodtdurft unsers goczhaus [...] in raichen und geben schullen sechs phunt Wyenner phenning an sand Gorigen tag im schiristen uber ain jar und hin [...] jar, die weil wir das vorgenant gelt inne haben, schullen und wellen wir in die sechs phunt phenning an dem [...] gen sand Gorigen tag raichen und geben. Wer aber, das sew irs gelcz uber ein jar nicht lenger wolten geraten, das [...] sew uns ain manet von sand Gorigen tag ze wissen tun, so schullen wir dann sew beczaln und richten an alles [...]. Teten wir des nicht, das wir in dinst und hawptguet verczugen, so mugen sew sich wol underbinden unserr rechten und us[...]ne, wir haben auf unsern zwain hofen in dem Chaczpach, da auf dem ainen yezo Ullreich auf siczt, und auf dem andern [...]czt, gelegen in Welser pharr, dy auch in fur phant umb das vorgenant gelt schullen sein und schullen auch den dinst [...]ung auf den vorgenanten hofen ein nemen, als man uns dew gedient hat nach lawtt und sag des eribrechcz und [...] und schullen dhain beswerung soch andrew nottung chlain noch gross, den eriben nicht tun uber den dinst als ir erib [...]. Wir sein auch des obgenanten hoff und rechten darauf ir recht gewern, wo und wann in sein nodt und durft geschiecht [...] lanndes recht ob der Enns. Gieng in aber an der gewerschaft mit dem rechten icht ab, wiettan schaden sew des nemen, den [...] oder ir scheinbot bey sein trewn an recht, an ayd gesprechen mag, den selben schaden mit sambt dem hawpgut leben [...]en wir in wider chern an allew widered, und das schullen sew alles haben, dacz uns und unsern trewn und darzu auf aller [...]zhaws hab, wie dy genant ist, varund oder anligund, oder wo die gelegen ist auf wasser oder auf lannde, derselben unser hab mugen [...]en sich wol under winden an chlag, an furbet und an alles rechten, und die selben unser hab als lang inne haben, nuczen und [...] unczt das sew hawpguecz und scheden gancz und gar davon ger[icht] und beczalt werden, das ist alles unser guetleicher wil [...] das wir das obgenant gelt nicht lenger wolten inn haben, das schullen wir sew ain maned vor sand Gorigen tag wissen [...] schol auch lasumb des vorgenanten furphancz und hoff sein allew jar zu sand Gorigen tag, ob sew zu ainem sacz wur[...]. Wer auch den brief mit irem gutem willen inne hat, der hat allew die recht, dy oben an dem brieff verschriben stent. Des [...] urchund geben wir in den brieff, versigelten mit unserm und unsers convencz paydem anhangunden insigeln, und geben ist [nach Chri]sti gepurd virczehen hundert jar und darnach in dem achten jar der heilligen sand Tyburci und Valerian tag der [heilligen] martrer.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 619-621, Nr. 504