Ich Chunigund, Ortolfs des Wanger ze Oberndorff saligen wityb, enbeut dem erwirdigen geystleichem herren herren Jacob abt zw Lambach mein willigen undertanigen dinst und bechenn an dem gegenwurtigen offen brieff, das ich ewren genaden awfgib mein eribtail, so ich hab an der hub zw Offenhawssen und des ain virtail ist, und pitt ewr gnad, das ir das vorbenant virtail in der hub leicht meiner lieben tochtter Dorothee und irem lieben wirt Fridreichen dem Vischer ze Tesselprun und iren payden eriben, die sew miteinander haben oder noch gewingen, und das ist also mein und ander meiner eriben gutleicher wil und wart. Mit urchund des priefs versigelt mit des erbern Wernharten des Toller, diezeit richtter ze Swans aufgetrukchten insigel und den ich mit vleizz darumb gepetten hab yem und allen seinen eriben an schaden, und darzw des sind zewg, das ich in umb das insigel gepeten hab Chunrat Swabel ze Oberndorff, Stephann Toller daselbs. Der prief ist geben am nagsten freytag vor sand Ulreichstag anno Domini etc. xviiio.