Wir Johanns von Gotes genaden abbt ze Lambach und der gancz conventt da selbs bechennen, das wir wolbedechtleich mit verayntem rat und guetem willen, mit unnser handt und ganczer bestet rechtt und redleich verlihen haben unser Niderslehen zu Seling ze nagst pey dem Pachk mit aller seiner zuegehorung gelegen in Pachmanner pharr und verleyhen auch das wissenleich in chraft briefs zw rechtten eribrecht Jorigen ze Niederntoppel, seiner hawsfrawn Dorothee und iren baiden eriben mit alle den eren, rechten und nuczen, so dann von allter und durch recht darczue gehornt oder da von bechomen mugen, nichts ausgenommen in der beschayden, das sy uns und unnserm gotshaws alle jar jarleich da von dienn und rayhen schullen nach innhalttung unsers gotshauss urbar buechs. Wir offen auch, sy sullen chain wanndlung da mit nichtt haben in chainerlay weis an unnser handt und gueten willen, und sy sullen auch alles das da von leyden und dulden, das ander unnsers gotshawss eribler gein uns und unserm gotshaus leyden und dulden und unverczigen unnsers gotshauss rechten in allen sachen. Des ze urkund geben wir in den brief besigelten mit unnser und unnsers convennts bayder anhangunden innsigel, der gegeben ist nach Kristt gebuerd vierczehen hundert jar und darnach in dem ains dreyssigistem jaree am nagsten phincztag vor Letare in der vassten.