Ich Michel Hohenfelder, phleger zw Tretnekk, pechen das mich der erbirdig geistleich herr her Johanns apt zw Lambach der dreissig phunt phening vogtrecht, so er meinem herren gein Tr[et]nekk schuldig zw geben ist, ausgericht und peczalt hat zw dem yeczunt vergangen sand Joringtag im funfunddreissigisten jar und sacz in darumb quit, ledig und los. Mit urchunt des briefs versigelt mit meinem aufgedrukchten petschaft. Geben zu Tretnekk am phinncztag nach sand Larencztag anno Domini im xxxv jar.