Wir Thoman von Gotes genaden abbt ze Lambach bekennen mit dem brief, das uns an ainem besigeltem aufgabbrief aufgesanndt hat her Kaspar, ainer der mynnernbruder sannd Francziskenorden des Gerung ze Wels weylanndt daselbs under den lederern gesessen seligen sun, und bat uns vleissig, das wir Jorigen dem Tuchscherer, burger ze Wels, seiner hawsfrawn Barbara und irn baiden eriben das gut mit aller zugehorung, so von altter und durch recht darzue gehort, darinn nichts ausgenomen noch hindan gesatztt angever, glegen in Welser pharr ob des Heresinger Vischwaidlechen, das sein rechtz vaterleichs und muterleichs erib sey, geruchtten zu bestetten und verleichen, wann er in das ze kauffen gegeben hiet umb ain sum geltz, der er gancz und gar ausgerichtt und beczalt worden sey zu rechtten tagen an allen schaden. Also haben wir im dem benanten Jorigen, seiner hawsfrawn Barbara und irn baiden eriben das gemeltt gut mit seiner zugehorung zu kauf und rechttem lechen bestett und verlichen, was wir in rechtleichen daran bestetten und verleichen sulln oder mugen, doch in solher maynung und ausweysung, das sew kainerlay wanndlung damit nicht haben sullen in kainerlay weis an unser hanndt und gutem willen, und sullen uns auch alles das davon leyden und dulden, das annder soleich unser und unsers gotshaws lechenlewt gein uns leydent und duldent unverczigen unsers gotshawss rechten in allen sachen. Ze urkund geben wir in des also den offenn brief, besigeltem mit unserm anhanngunndem insigel. Geben als man zalt nach Kristi geburde in dem vierczechenhundertundvierczigisten jaren an eritag nach Invocavit in der ersten vastwochen.