In nomine domini amen. Anno a nativitate eiusdem millesimo quadringentesimo octuagesimo quarto indiccionis secunde die vero sabbati vicesima prima mensis Februarii pontificatus sanctissimi in Christo patris et domni nostri domni Sixti, divina providencia pape quarti anno terciodecimo, in mei notarii publici testiumque infrascriptorum ad hoc specialiter vocatorum et rogatorum presencia presens et personaliter constitutus venerabilis et religiosus pater et dominus dominus Johannes abbas monasterii Lambacensis, ordinis sancti Benedicti Pataviensis diocesis principalis habens et suis tenens in manibus quasdam literas imperiales iuxta vim formam et tenorem subsequentem exponens suique monasterii necessitatis incomoda, quomodo propter viarium discrimina que in dies novas et inopinatas pariunt iacturas huiusmodi literas originales ad loca congrua necessitate pos... afferre non posset, de quo sibi et suo monasterio grave dampnum posset evenire, requirens ob id me notarium infrascriptum quatenus huiusmodi literas ad me recuperem et in publicam formam transsumpti redigerem, ita tamen quod huiusmodi transsumpto talis et tanta fides ubicunque locorum sicuti ipse litere imperiales prefate coram quibuscunque iudicibus tam in Romanam curiam quam extra producerentur adheberetur, attendens igitur ego notarius publicus infrascriptus huiusmodi requisicionem fore iustam et realem consonam volensque iniuncto satisfacere officio huiusmodi literas imperiales in vulgari scriptas tamquam sanas integras et omni prorsus suspicionis vicio carentes in carta pergamenea scriptas, sigillo rotundo in cera rubra cum caractere imperiali munitas ad me recepi, easque transsumpsi et in publicam formam redegi, quarunquidem literarum tenor de verbo ad verbum sequitur et est talis [Es folgt die Urkunde Friedrichs III. von 1483 XI 24] Post quarum quidem literarum recepcionem ego notarius infrascriptus easdem literas originales unacum earundem transsumpto diligenter auscultavi et quantum in me est, plenam fidem de hiis feci et veritatis testimonium perhibui, facio et perhibeo secundum vim formamque subscriptionis mee infrascripte, super quibus omnibus et singulis prefatus reverendus pater et dominus Johannes abbas sibi a me notario infrascripto unum vel plura publicum seu publica fieri pecyt atque confeci instrumentum et instrumenta. Acta fuerunt hec in monasterio Lambacensi in stuba abbaciali sub anno, indicione, die, mense et pontificatu, quibus supra, presentibus ibidem honorabilibus et validis viris dominis Georgio Nagel, Wolfganngo Engelhueber, presbyteris, Steffano Wahinger cubiculario prefati reverendi patris patris abbatis Lambacensis et Thome Capeller civi in Welss laycis pataviensis diocesis testibus ad premissa vocatis specialiter atque rogatis.

Et ego Paulus Finsinger clericus Ratisponensis publicus sacra imperiali auctoritate notarius quia supradicte requisicioni vidimacioni et transsumpcioni quibusque aliis et singulis dum sic ut premittitur fierent et agerentur unacum prenominatis testibus presens et personaliter interfui eaque sic fieri vidi et audivi ideoque pre sens publicum instrumentum manu mea propria scriptum et subscriptem exinde confeci, subscripsi publicavi et in hanc publicam formam redegi signoque et nomine meis solitis consuetis signavi in fidem et testim omnium et singulorum premissorum rogatis at requisitis.