Dem erwirdigen in Got und geystlichen herren herren Johanns, abbt ze Lambach, unnsern genadigen herren enpieten wir Veytt Awmair ze Stainsulcz anstat mein und meiner swester Margreten, dafur ich mich auf verlubten gewalt mir getan annymb und machtig weiland Anna Hannsen Awmair ze Stainsulcz hausfray seling sun und tochter und Ulrichs etwan Jorig Munichmair ze Vinckhelhaim seligen Margreten seiner hausfrawn eeliche sun an stat meiner yeczgemelten mueter dafur ich mich auf bevolhen gewallt mir auch verlubd annymb und machttig etwan Michel Schneider ze Stainsulcz Elspet seiner hausfrawn seling ennenckhel und tochter unnser gehorsam willig dinst zuvoran. Und fuegen ewren genaden ze wissen, das wir unns nach frumer leutt und gein unnser lieben muemen Barbara etwan Veytten Reyschel von Aw seling tochter und allen iren eriben umb all unnser enndlichs andlich und mueterlich, auch meines Ulrichen Mueter vaterlichs und mueterlichs erbschaft und gerechtickait, so wir geswistregeit und meies Ulrichs Mueter gehabt haben an und auf dem Reyschel guet ze Aw aller seiner rechtlichen zugehorung in Eferdinger pfarr Aschachwinckhel lanndgericht gelegen und ewer genaden gotshawss dinstpers und verlehenns guet ist, umb ain sum gellts verczigen haben, ausgenomen ob der tod hinfur von ir oder iren erben icht rechtlichen gibt, wellen wir hiemit unverczigen sein. Bitten wir ewr genad als unnsern genadigen herren in sunderm allem vleys, wellet mit ewer genaden gotshaws und lanndes ob der Enns von geswistregeiten und meines Ulrichen Mueter auch allen unsern eriben und miteriben ausgennd verttigen und bestatten, ist unnser gutter will. So ewr genad das gethan, geloben wir mit kraft des briefs, hinfur in ewer genaden insigel und bestattung nichter zu reden noch gestatten getan werde, sunder treulichen zu verdiennen. Zu urkunde dicz petbriefs besigelt durch sunder unnser vleissiger pete willen mit der erbern weysen Michael Nesseltaler diezeit statrichter zu Eferding und Wolfgang Tierpolczperger an der zeit statschreiber daselbs aigen aufgedruckhten insigel, in baiden, iren eriben und insigeln an schaden. Auch an ewer genaden maynung mit unsern trewen an aides stat verpinden statt zu hallten und volfuren auch ingedenckh zu sein innhallt des briefs. Zeugen und tadinger der sachen sind gewesen Hanns Kranperger am Kranperg pey der Scharten, Jorig Aigner am Hausruckhaygen, Anndre Tatschler zu Stainsulcz, Steffan Kranperger daselbs und annder leutt mer. Geben an montag nach sand Pauls tag seiner bekherung als man zallt von Kristi geburd vierczehenhundert und vierundachtzigissten jaren.

Source Fulltext: StiAL, Kopialbücher, HS 21, P. Augustin Rabensteiner OSB: Documenta monasterii Lambacensis Bd. VI, ab anno 1483-1499, S. 65-67, Nr. 3064