[Ich ...] Maurar auf der Schusstatt gesessenn und ich Margrett [...] fur uns, all unnser erbenn und thuen kundt offennlich mit brieff [...] das wir mit wolbedachtem muett und guettem willenn recht und redleichenn zw kauffenn geben haben dem erwirdigenn und geistleichen herren hernn Johannsen abbt zw Lambach seiner genaden goczhaus und nachkomen drey schilling pfenning gellts jarlicher gulldt auf aller unnser erbschafft und gerechtigkaitt, so wir ungevarlichenn haben an dem haws, hofstatt und hofmarich mit seiner zuegehorunng in dem purkchfrid ze Lambach auf der Schusstatt gelegenn, das dann erbrecht und dinstpar ist dem ieczbemellten goczhaus zw Lambach und haben in die gegeben umb ain summa gellts, der wir von sein gnaden ganncz und gar ausgericht und beczallt worden sein zw rechten tagen an allen schadenn in der beschaiden, das wir oder unnser erbenn dem gemellten goczhaus zw Lambach die vorgemellten drey schilling pfenning gellts jarlicher gullt von dem bemellten haws, hofstatt und hoffmarich alle jar jarlichenn raichen und dienn sullen zw unnser liebm frawntag der dinstzeitt zu sampt dem andernn dinst und herrn vadrung, so wir ye und albeger von dem gemellten haws und seiner zuegehorung gedintt und schuldig sein angevar. War aber sach, das wir oder unnser erbenn dem beruertten goczhaus die bestimbten drey schilling pfening gellts jarlicher gullt zw der benantten zeitt nicht ausrichttetten und gaben, so mag sich der genant unser genadiger herr von Lambach oder seiner genaden nachkomen auf dem bemeltten haws mit seiner zuegehorung oder wo das sein gnaden fuegtt, dar umb pfenntten alls gruntther angevar. Ich obgenantter Wilhalm Mawrar, ich Margrett sein hausfraw sein auch fur unns und all unnser erbenn der ebbemellten dreyer schilling pfenning gellts jarlicher gullt auf dem bemellten haws mit seiner zuegehorung des genantten unsers genadigenn herren von Lambach und seiner genaden nachkomen recht gewernn und furstanntt fur alle rechtleiche ansprach wo und wann in des nott und durfft beschiecht mit dem rechten, alls dann solichs kauffs und lanndes ob der Enns recht ist angevar. Zw urkundt geben wir in des allso den offenn brieff, besigellten mit des edllnn vessten Kristoffenn Oberhaimer zw Irennhartting an der czeit hoffrichter zw Lambach und mit des edllnn Hannsen Leroch am Stadll baider aigen anhanngunden innsigl, dew ich obgenantter Wilhalm und ich Margrett sein hausfraw mit vleiss darumb gepetten habenn, doch in baiden und iren erben an schadenn, dar unntter wir uns ieczgemellt Wilhalm und ich Margrett sein hausfraw fur uns und all unnser erbenn mit unnsern trewn an aidestatt verpintten alles war und statt ze hallten innhallt des brieffs, der gebenn ist alls man zallt nach Cristi gepurd vierczehenn hundertt und im sybennundachzigisten [jaren an] monttag nach sand Johannstag zwnn sunbenttenn.

Source Fulltext: StiAL, Kopialbücher, HS 21, P. Augustin Rabensteiner OSB: Documenta monasterii Lambacensis Bd. VI, ab anno 1483-1499, S. 539f, Nr. 3441