Erwirdiger geistlicher lieber herr, mein willig dinst seinn ew mit vleis berait. Ewr schreiben antreffendt ew die zwen visscher, so man gen Sewsmburg braucht in ainem gewandlichen bestandt zuverlassen, hab ich vernomen, und fug ew zu wissen, daz ich dieselben visscher den Sachssen von Allmegkh auf ir ersuchen verlassen hab, wie dem het ich wol mugen geleiden, so solhen ewrn willen gewest hiet, daz ir das fur all annder von mir in bestandtsweis gebraucht, verrer auf mein zusagen den Sachssen getan zu nemen nit zimen wil, aber so es auf ain annder jar euch zimen, wil ich ew das fur all ander gern lassen und dienen womit ich khan und mag. Geben zu Lynntz an pfintztag vor invocavit anno domini etc. lxxxxii^o.

Cristof||
Stainpekh