Friderich von gottes gnaden Romischer kaiser etc.

Ersamer geistlicher lieber andechtiger. Aws merklichen anlignnden notten ist yetz ain anslag zu bezallung der dinstlewt durch gemaine lanndschafft ob der Enns zugesagt, darinn funffhundert phund phening auf dich und dem goczhaws gelegt seien. Emphelhen wir dir ernstlich und wellen, daz du den dritten tail desselben gellts auf den suntag letare zu mittervassten yetz, und die anndern zwen dritten auf sannd Michels tag schieristkomennden unserm haubtmann ob der Enns gen Lynncz raithest und darinn bey vermeidung unserr straff und ungnad nicht verziehest, daran tust du unnser ernstliche maynung. Geben zu Lynncz an mittichen vor sannd Kunigunden tag anno domini etc. lxxxxii unsers kaisertumbs im vierczigisten jare.