Fridreich von gotts gnaden romischer kaiser etc.

Ersamer geistlicher lieber andechtiger. Wir emphelhen dir ernstlich und w[ellen], daz du dem diener gen Gmunden furderlich ordnest die unserm getrewn lieben Cristoffen Jorger unserm rate und phleger zu Kamer im Attersee und ambtman daselbs zu Gmunden oder seinen anwald daselbs von hanndlung wegen unsers kamerguts, so sy von seinen wegen getan haben, raittung tun, und was sy darin schuldig werden in des zu unsern hannden betzallen, und darin nicht sewmig seist, daran tust du unser ernstlich maynung. Gaben zu Lynntz an phintztag sannd Matheus abennd des heiligen zwelfboten und ewangelisten anno domini etc., unsers kaisertumbs im ains und viertzigisten jare.