Friderich von gots gnadn Romischer kayser etc.

Getrewr lieber. Uns hat der ersam geistlich unnser lieber andechtiger, der abbt zu Lambach, auch unnser getrewr Hanns Leroch anbringen lassen, wie man ir yedem ain gellt ans der wasserpuchssen am Stadl dem abbt von der prugken und dem Leroch von solds wegen schuldig sey ze geben, das in ains taills unbeczallt ausstee und von ew nicht bekomen mugen, des sy sich beswert bedunkhen, emphelhen wir ew ernstlich und wellen, daz ir dem bemelten abbt und Leroch dasselb aussteennd gellt fuderlich ausrichtet, betzallet und darinn nicht sewmig seit, damit wir des halb nicht weitter angelanngt noch nott werde in zuvergunen sovil saltz aufzehalltn, daran tut ir unnser ernstlich maynunng. Geben zu Lynntz an phintztag vor sannd Julianen tag anno domini etc. lxxxxiii unsers kaisertumbs im ains und viertzigisten jare.