Wir Maximilian von Gotts gnaden Romischer kunig, zu allenn zeiten merer des reichs, zu Hunngern, Dalmacien, Croacien etc. kunig, ertzhertzog zu Osterreich, hertzog zu Burgundi, zu Brabant, zu Ghelldern etc. grave zu Flanndern, zu Tirol etc. embieten unnsern getrewen lieben Hannsen Geyrn, phleger zu Ybs, unnsern renntmeister, und Lucasen von Phortzheim, unnserm secretarien und gegenschreyber, general unnsers aufslags in Osterreich unnser gnad und alles gut und emphelhen ew mit ernnst und wellen, das in dem ersamen geistlichen unnserm lieben andechtigen Johannsenn abbt zu Lambach vierundzweintzig dreyling wey zu seins gotshaws notdurft, wann er die ausfurn und dabey ew diser brief gezaigt wirdet allennthalben aufslag und aller annder beswerung frey fur und durch geen lassetDaran tut ir unnser ernnstlich maynunng. Geben zu Lambach an eritag nach sanntd Oswalldstag anno Domini etc. lxxxxiii unnserer reiche des Romischen im achten und des Hungrischen im vierden jaren.