Erwirdiger in Got geistlicher und besonnder lieber herre, mein willig dinst seinn euch allzeit zuvor. Mich bericht Pernhart Eringoder, wie ir seinen swager umb etwas gelt von seinen wegn, so er euch geben solt, gestrafft habet, weil ich dann gegn und mit benantm Pernhartn verfuegt und darinn sovil gehanndlt hab, dadurch ich nit zweiffl ir das gotzhawss und die ewrign seinn versechn das er euch nichtz unrechtlichs zuziechn werde, bit ich euch, ir wellet euch von meinen wegen gegn seinem benanten swager auch guetlich halden und euch der massn gegn im in disn sachen beweissen, damit er meiner fuederung bey euch genossn hab, emphind, das wil ich mit willigen vleiss umb euch verdienen. Datum Wels sambstags nach dem auffarttag anno domini lxxxxiiii.

Michel Oberhaimer||
Vogt zu Wels