Erwirdiger geistlich herr, mein dinst in guttm willn wisset zwvor. Mich ist vergebns anpracht und zuegesagt worden, wie ir ain steur auf das hewssl auf der Hayd glegn, das dan Sigmundt Salchinger, der mir von der kuniglichen mayestat bevolhen in seinem prawch hat unnd sein doch albeg pay dem von Schawnberg und pey dem von Schafftnberg geschontt worden und dhain steur nie davon gebn, bit ich euch in vleis an stat der kuniglichen mayestat und von meinen wegen inn stewr zw vertagen, wil ich umb euch und die ewrn verdiennen. Datum Wels an sambstag nach gotzleichnamstag anno lxxxxiiii

Andree herr||
zw Polhaim