Erwirdiger gaistlicher herr mein diennst in guetem willen bevor. Als ich ew vormalls auff anrueffen der von Wels unnd annder stett im lannd ob der Enns geschriben. Nun haben mich die von Wells abermals anpracht, wie ir ew unnderstannden etliche gueter den von Wells zugehorig mit recht fur zu nemen unnd auff den nagsten erittag zu veranntwurtn fur ew beschieden. Demnach bevelh ich ew von unnsers allergnedigisstem herrn n. des romischen kunigs etc. wegen, das ir solh recht mitler zeyt rueen unnd ansteen lasset unnd ew auff den monntag nach sannd Pawls tag seiner bekerung her verfueget, so wil ich die sachen mitsambt anndern lanndtlewten horen, unnd dar innen hanndln, was sich geburdt. Datum Lynncz an sambstag sannd Sebastianns abennt anno domini etc. lxxxxviiii

Georig von Losennstain hawbt||
man im lannd ob der Enns etc.