18. März 1219, Roma-Laterano
Papst Honorius III. nimmt das Kloster Reichersberg, dem er seine Rechte und Freiheiten bestätigt, in seinen besonderen Schutz.
Papa Onorio III prende sotto la sua protezione Enrico preposto e i frati del monastero di Reichersberg dell'ordine di S. Agostino e conferma le decime della chiesa Putinense e le chiese di Pramberch ed Elez.
Source Regest: OÖUB 2 (Wien 1856) S. 600
Current repository:
Stiftsarchiv Reichersberg (www.stift-reichersberg.at)
Die Bulle ist abgefallen.
Il sigillo è deperdito.
Material: Pergament / Pergamena
I nomi dei papi Onorio e Adriano in litterae elongatae.
Honorius episcopus seruus seruorum deiDilectis filiis Henrico Preposito et fratribus Richerspergensibus ordinis sancti Augustini Patauiensis diocesisSalutem et apostolicam benedictionem. Sacro sancta Romana ecclesia deuotos et humiles filios ex assuete pietatis officio propensius diligere consueuit et ne prauorum hominum molestis agitentur, eos tamquam pia mater sue protectionis munimine confouere.Ea propter dilecti in domino filij uestris iustis precibus inclinatj personas uestras et ecclesiam, in qua diuino estis obsequio mancipati, cum omnibus bonis tam ecclesiasticis quam mundanis, que impresentiarum rationabiliter possidetis aut in futurum iustis modis prestante domino poteritjs adhipisci, sub beati Petri et nostra protectione suscipimus.Specialiter autem decimas Putinensis ecclesie et de Pramberch et Elez ecclesias cum ecclesijs et Capellis ad eas pertinentibus, quas pie recordacionis Salzeburgensis Archiepiscopus de Capituli sui assensu, ad quem pertinebant, eidem ecclesie uestre prouida deliberatione concessit, constituens, ut in predictis ecclesiis Pramberch et Elez beatj Augustinj regula obseruetur et ad eas per presentationem Richerspergensis Prepositi et institutionem Salzburgensis archiepiscopi ministri de uestro collegio assumantur, cuius constitutionem super his successores ipsius Cunradus uidelicet Albertus et Eurardus Salzburgenses archiepiscopi suis priuilegiis confirmarunt. Ecclesiam quoque de Munustur a bone memorie Patauiensi Episcopo, quam etiam a felicis recordationis Adriano papa predecessore nostro ecclesie uestre asseritis confirmatam cum decimis et alijs pertinentijs suis et decimas a pie recordationis .... Frisingensi Episcopo de Capitulorum suorum asensu (sic) eidem ecclesie uestre collatas, Predia insuper in Eoluin et Graben a quondam .... Comite Allensi et in Vihpah a quodam Hartwico cum alijs predijs in Gurtin, in Mulberch, in Honren, in Potenchowen et in Wanepach, in Hagening, Wrmering, Anthriesgurch et in Bawaria, Austria et Marchia nec non cum decimis, redditibus, mansis, libertatibus atque immunitatibus ab ecclesie Salzeburgensis Archiepiscopis ecclesie uestre concessis, sicut ea omnia eadem ecclesia iuste ac pacifice possidet et in supradictorum archiepiscoporum litteris continetur, uobis et per uos ipsi ecclesie uestre auctoritate apostolica confirmamus et presentis scripti patrocinio communimus.Nulli ergo omnino hominum liceat hanc paginam nostre protectionis et confirmationis infringere uel ej ausu temerario contraire.Siquis autem hoc attemptare presumpserit, indignationem omnipotentis dej et beatorum Petri et Pauli apostolorum eius se nouerit incursurum.Datum Laterani XV. Kalend. Aprilis, Pontificatus nostri anno Tertio.
Source Fulltext: OÖUB 2 (Wien 1856) S. 600-601
Original dating clause: XV. Kalend. Aprilis
Language:
Latein
){kind=link}
){kind=link}