Wir Albrecht von gotes genaden Bischof ze Pazzow vergechen offenbar mit disem Brief, Daz wir den chrieg, der gewesen ist zwischen den Gaistleichen laeuten . . dem Probst vnd dem Conuentt der Chorherren ze Reichersperg an ainem tail vnd der Chlostervrawen naeuleich versehriben (sic) haben lazzen vnder vnserm jnsigel, also beschaiden haben, Daz di Clostervrawn sichtiges landes schadens an der voruerschriben Phru^ent enkelten schullen vnd geleich nach irem tail tragen mit den vorgenanten Chorherren an swev man in Phru^ent minnert. Geschaeech aber, daz sich der Chorherren phru^ent pezzrecht an gewant oder an swelichen sachen daz wer, des schullen di vrawn auch geniezzen, Vnd daz di red also stet beleib vnd vnzebrochen, dar vber geben wir ze vrchund disen Brief versigelt mit vnserm jnsigel vnd mit paider Conuentt Chorherrn vnd Chlostervrawn jnsigel. Der ist geben ze Pazzow an vnser vrawn tag zder Liechtmess nach Christes geburd Dreutzechenhundert iar in dem zway vnd dreizzigistem Jar.

Source Fulltext: OÖUB 6 (Wien 1972) Nr. 44, S. 52