Ich Ortel der Zeller vergich offenbar mit disem brief fu^er mich, fu^er mein hawsfraw vnd fu^er all mein erben, das ich nichtz nicht han ze sprechen noch ze reden hintz dem hof ze Pramerdorf noch hintz allen dem das dartzu geho^ert, nvr als vil ich in mag verdienn vnd verstewern nach genaden dem probst ze Reichersperg oder wer des goczhaws gewaltig ist. Vnd wenn er mir des fu^erbas nicht lassen wollt, so sol ich im in antwurtten stiftleich vnd pawleichen mit sam vnd mit ardhew nach der vmbsätzen rat als lantz recht ist. Vnd ze vrchund gib ich im disen prief versigelt vnder meines genadigen herrn hern Ortolfs von Waldekk anhangunden insigel, wann ich aigens insigels nicht enhan. Datum M° ccc° Liij. in natiuitate sancte Marie.

Source Fulltext: OÖUB 7 (Wien 1876) Nr. 318, S. 324