Ich Vlreich Hermanns sun von Ort, mein hawsfraw Margret vergich offenbar — das wir — vnsern vodern ze selgerät haben geaigent vnser guet datz dem Grat dem gotzhaws ze Reichersperg, das vns vnd vnser vodern rechtes lehen ist gewesen von dem gotzhaws mit der beschaiden, daz wir ez nv sullen haben zv vnser paider tegen ze leibgeding, vnd sullen dauon dann ierleich ze hugnuss an sand Luceintag sechtzik pfenning dem conuent in ir oblay geben, vnd sullen darvmb begen vns vnd vnsern vodern jartag mit einer vigili vnd mit einer selmess. Vnd wenn ich vorgenanter Vlreich vnd mein hawsfraw Margret nimmer pin, so ist das vorgenant guet ledig dem gotzhaws an widerred. Vnd darnach sol dem conuent geuallen sechs schilling pfenning an dem vorgenanten jartag in ir oblay ewichleich von dem voruerschriben guet — vnd das das stet vnd vntzebrochen beleib, gib ich vorgnanter Vlreich disen brief versigelt mit meinen anhangunden insigel. Der geben ist — tawsent jar drewhundert jar in dem zwai vnd fünftzkistem jar an vnser Frawntag ze liechtmesse.

Source Fulltext: OÖUB 7 (Wien 1876) Nr. 271, S. 277