Ich Fridreich von Rotaw vergich offen mit disem brief allen lewten, daz ich durich Got und auch durich des rechten willen gaentzlich vnd gar gestanden pin von dem chrieg, den ich han gehabt gegen dem gotzhaws ze Reichersperg umb di Aw ze Vihausen also daz ich noch mein erben vnd all, di mich angehörnt, daz vorgenant gotzhaus fürbaz nicht daran schullen irren, als verr ir aygen daran sto^ezzt untz in di nawvart, wann ich des auch wol beweist pin, daz ich des chriegs nicht guet recht han gehabt. Und des sind zewgen und taidinger gewesen her Reichger von Rotaw mein prueder, Chorherr ze Saltzpurch, herr Dietmar probst ze Reichersperg, herr Meingotz chorherr daselb, Hainrich der Perchaimer, Fridrich der Hefftaer, Hainrich der Chostnaer, Fridrich der Murr vnd ander piderlewt genueg. Vnd darvber gib ich in disen brief versigelt mit meinen anhangunden insigl. Vnd ist daz geschehen drewzehenhundert iar, darnach in dem fu^emf und fumfzigistem iar an sand Erharts tag.

Source Fulltext: OÖUB 7 (Wien 1876) Nr. 386, S. 397