Ich Symon der Maulhart zu den zeiten purgraf ze Püten vergich das ich bestanden han von dem erbern herrn herrn Dietmaren probst ze Reichersperg vnd von seinem gotshaus ir zehent ze Aspang vnd ze Stalhofen chlain vnd groz als si zu irm gotshaus von recht gehornt vmb zway vnd dreissik pfunt phenning wienner munzz mitsamt dem leitchauf von hinn vntz hintz liechtmess furbaz han ich noch mein erben nichts darauf ze sprechen. Darumb gib ich ym disen brief zu ainem zeug versigelt mit meinem anhangunden insigel, der geben ist drewczehen hundert jar darnach in dem newn vnd funftzkistem jar an vnser frawntag zu der chündung.

Source Fulltext: OÖUB 7 (Wien 1876) Nr. 625, S. 637