Wir Ruedolff vo(n Gots gnaden hercz)og ...lacuna ... Osterreich ze Steir ze Karntten und ze Krain graff ze Tyrol etc. embietten allen unseren lanttherren dienstherren rittern und knechtten purgeren lanttlewtten und anderen allen unseren dienern und unterttanen wie die genant sind den diser brieff geczaigt wierdt unser gnad und alles guet. Wir gewietten ewch wey unseren hulden und wellen ernstlich, das ir auff den zehenten widmen und andern guettern der kirchen sand Ruprechts zw Puechherg die von uns ze lehen ist weder jagt noch vischet, wan wier das alain dem pharrer darselbs und allen sein nachkomen erlawbt und gegunnen haben und nyemant anders. Wer es aber daruber tet, das war ganczlich wider uns und wolten den darumb swarlich pesseren an leib und an guet. Mit urchund dicz brieffs, geben ze Wien an unser lieben frawen tag der kundung anno domini millesimo trecentesimo sexagesimo quinto.

Source Fulltext: OÖUB 8 (Wien 1883) Nr. 216, S. 220