Universis praesentium inspecturis fratet Stephanus de Gors prior totusque conventus fratrum praedicatorum in Chremsa gratiam in presenti et gloriam in futuro. Ne gestarumt memoria rerum processu temporis per naturam ejusdem temporis evanescat et pereat, discretorum prudencia virorum solet litterarum apicibus eternari. Hinc est quod ad universorum tam presentium quam posterorum volumus notitiam devenire, quod venerabilis dominus dominus Dyethmarus ecclesie Reicherspergensis prepositus pia motus devotione nostro conventui libere divine remunerationis ob respectum dedit novem libras wyennensium denariorum ad comparandara unam libram redituum nostro predicto conventui pro eisdem. Ut quod dignum et justum est pro tam grato devotionis beneficio respondeamus vicissitudine tam benivola quam condigna, idcirco prefato domino reverendo promisimus et nos ac successores nostros obligavimus ad unam perpetuam missam pro salute anime sue et antecessorum ejus singulis septimanis quando possibilitas et oportunitas se offerent omni fraudulentia penitus semota semel dicendam hic juxta civitatem in capella curie ad predictum monasterium Reichersperkch pertinentis. Insuper promisimus, quod si mediate vel immediate a dominis prepositis predicti monasterii fuerimus requisiti ad legendum missam in presentia eorum in dicta capella quando contigerit eos hic pro tempore remanere, parere debemus ipsorum beneplacitis si tamen comode fieri potest et sine nostri conventus prejudicio atque dampno. In cujus rei testimonium sigillum nostri conventus duximus presentibus apponendum, Actum et datum Chremse anno domini millesimo trecentesimo sexagesimo quinto (M°.ccc°.lxv°.) in die assumptionis virginis gloriose.

Source Fulltext: OÖUB 8 (Wien 1883) Nr. 242, S. 244