C. In nomine sancte et indiuidue trinitatis, Reginmarus gratia dei sacrosancte patauiensis aecclesie episcopus successoribus suis et omnibus christi fidelibus in perpetuum. Amen. Pastorali sollicitudine et rerum mutabilitate nec non karissimorum fratrum nostrorum peticione compulsi insinuare tam posteris quam modernis deliberauimus, qualiter quidam nobilis homo heriman de chazilinistorf deum et sanctum florianum heredem fecerit quorundam prediorum suorum. Ecclesiam chazilinistorf a parentibus suis constructam, que absque omni contradictione ius sepeliendi, baptizandique certissime dinoscitur habere, et ipsam uillam et LXVII. mancipia utriusque sexus cum omni posteritate eorum tradidit super altare sancti floriani Martyris cum eo iure et utilitate, quo sibi a parentibus suis tradita et ab ipso possessa sunt. Addidit preterea predium uisinisse, quale ibidem habuit, et duas uineas aschauuinchele cum uinitore trostman et uxore liberisque eius. Fecit autem hec omnia pro sua ipsius anima et omnium debitorum suorum ita etiam, ut per fratres de domo sancti floriani in predicta ecclesia deo amodo seruiatur, pro harum rerum inuestitura delegauit magins cum predio suo ibidem seruiendum deo perpetuo. Ad quorum etiam sustentationem dietmarus prepositus consensu fratrum suorum dimisit curtem unam gusine et uineam unam hartperge et tria beneficia primizlaistorf et decimam trium uillarum in parrochia riede et duo beneficia harde cum curte una et familia, a quibus sunt possessa. Huius rei testes aure tracti sunt Steuen de engilboldistorf, Pilgerim de cruce et frater eius heinrich, Walther de tresim, Gerunc de salmansliten, Qunrat (sic) de wirmlaga, Otto de haslnpahc, Frideric et filius eius herbo de ypfa, Hartmovt de persnch (sic). Preterea me presente ac suscipiente adalber nobilis homo de griezpac tradidit ad aram sancti floriani ecclesiam suam in lozperch cum prenotato atrio et curtim ibidem iuxta ecclesiam et dimidium mansum nobilis uiri in dote pro se suisque parentibus et hac ratione, ut omnem decimationem illam, pro qua fuit obiurgatio, a wartperch usque in danubium absque omni contradictione fratres in domo sancti floriani obtinerent extra agast et ipse in suo tantum predio circa lozperch duas partes decime retineret, fratres terciam. Alias vero inter duo flumina agast decimationes partirentur, ut una pars illi, altera fratribus fieret. Cuius rei testes sunt Otto de machlant, Frideric et Wolfger de ypha, Marchivart de provle, Tietric et frater eius Rovdolf de wteholz, Heinricus et frater eius Reginhart de illanestorf. Item me suscipiente tradidit ad predictam aram sancti floriani Walchovn uir nobilis prescripti adalberi filius de griezpach mansum nobilis uiri ultra lozperch pro tribus marcis in silua, que dicitur nortwalt. Huius rei testes sunt Gerunc de salmansliten, Frideric et filius eius herbo, Megengoz de ense. Sigahart quidam nobilis homo de Sicinberch tradidit sine omni contradictione ad aram sancti floriani ..... Recognoscat sollercia tam presentium quam futurorum, qualiter fratres de domo sancti Floriani partem parrochie sue, quam habebant in locis, que dicuntur Steinpach, Glongendorf, Wolfarn, Widehe, Pach, Tal, legitima transmutatione mutauerunt pro parte parrochie, que dicitur Novenkirchen, que pars uicina erat fratrum ecclesie, que dicitur Riede. Huius autem legitime transmutationis initium est in monte, qui dicitur Crovchenberch, prope fluuium, qui dicitur Gvvsin, et in ipso fluuiolo ascendendo usque ad locum, ubi Visinissa fluit in Gvvsin, et sic in ascensu Visinisse usque ad extremum eius caput et inde uergens recto tramite in uillam reginprehstorf et de ipsa uilla per magnum (sic) uallem usque in amnem, qui dicitur Chaltinpach, et cum ipsius descensu usque dum influat agist, Et tandem inter duos binomios fluuios, qui dicuntur Aggist, usque ad terminos boemiensium. Acta sunt hec Anno ab incarnatione domini MCXXV. Indictione II. Per uenerabilem patauiensis ecclesie episcopum Reginmarum Anno ordinationis sue V. publice in capitolio suo patauie banno et presenti sigillato priuilegio, ut inconfulsum permaneat, confirmante.

Source Fulltext: OÖUB 2 (Wien 1856) S. 163-165