In nomine sancte et indiuidue trinitatis. D. dei gratia patauiensis ecclesie episcopus omnibus. christi fidelibus salutem in perpetuum. Significatione presentis pagine posteritati future manifestamus, quod Liutoldus clericus filius Dietrici de Trune predium suum in austria, quod dicitur Tiuffenbach, iuxta Meters situm pro remedio anime sue parentumque suorum in extrema decessurus uoluntate tradidit potestatiua manu fratribus et ecclesie sancti Floriani. Quod utique predium mediantibus nobis dilectus frater noster Engilbertus prepositus domus sancti Floriani consensu fratrum suorum ministeriali nostro Meginhardo chraeier per manum nostram tradidit et beneficium eius scilicet curiam in loco, qui dicitur Winchel, qua idem M. inbeneficiatus fuerat a nobis, ipse prepositus in proprietatem et possessionem ecclesie sue per manum nostram recepit. Quod concambium eo tenore factum est, ut secunda uxor ipsius M. uidelicet Berhta de Stauderstorf cum filiis suis ipsum predium in Tiuffenbach pro beneficio possideret. Quodsi filii eiusdem M., quos ex priori susceperat uxore, pro eadem curia in Winchel infestarent ecclesiam sancti Floriani, pretaxatum predium in Tiuffenbach rediret in ius et usum eiusdem ecclesie. Denique post obitum patris priores filii super eodem predio uidelicet in Winchel litem mouerunt et optinuerunt, Vnde et prefatus frater noster Engilbertus prepositus predium suum in Tiuffenbach ecclesie sue iuxta condictum repetiuit. Cui tamen iusticie supra memorata uxor M. cum filiis suis per aliquot annos uiolenter obstitit. Porro cum sepe iam dictus frater noster Engilbertus prepositus ius ecclesie sue constanter persequeretur, communicato demum kathedralium atque ministerialium nostrorum consilio eadem lis ita dirempta est, quod tam mater quam et filii supradictum predium in manus nostras resignauerunt nosque predicto preposito et ecclesie sue resignauimus eo tamen pacto, ut ipsa mater et filius eius senior, scilicet Marchwardus de manu ipsius prepositi ad annualem censum trium solidorum susciperent. Quod et ita in presentia nostra factum est. Hunc autem censum in festo sancti Martini annuatim soluere tenentur Quodsi non fecerint, talentum sub pena soluent. Si uero hoc ipsum talentum in natiuitate domini non soluerint, prorsus a beneficio cessabunt. Hoc etiam adiunctum est, ut nec ipsa mater nec idem filius eius ius aut potestatem habeant, quod ipsum predium uel usum eius uel ad filios seu ad uxorem siue ad proximum quemuis aut alienum transferant, sed ipsis decedentibus in ivs et possessionem ecclesie sancti Floriani libere redeat. Huius rei testes sunt domnus Manigoldus abbas de Chremismunster frater episcopi, Ovdalricus prepositus de Ardacher, Purchardus de Chambe, Magister Richerus capellanus episcopi, Heinricus de Pettenbach, Marchwardus de Riede, Sigiloch Capellanus episcopi, Heinrich de Hohenstovfe, Albero de Vihehouen, Albero de Drozendorf, Otto de Zeizenmuor, Wernhart de Mortspach (sic), Fridericus de Schonenbuhel et fratres eius Albertus et Manigoldus, Marchwardus pechstein, Rovdolfus de Walde, Walther de Tannenberg, Walther de Gozenstorf, Hermannus de Stouderstorf, Arnoldus de Spraezern et frater eius Gotfridus, Heinricus, Sifridus de Griffenstein, Albero de Dornch, Richer de Stouderstorf, Chalhoch de Grazperch, Starfridus de Lengenberg, Heinricus de Lonstorf Diethoch pincerna, Heinricus de Ruote, Heinricus de Heidendorf, Heinricus de Dunnenfuort, Selpker de Zeizenmuor, Otacher de matse, Manigoldus de Aheimen, Albwin de Wisen, Eberhart de Chremis, Sifridus sin, Sigehart de Beheimchierchen, Gotfridus camerarius. Vt autem rata sint hec et inconuulsa permaneant, presentem paginam inpressione sigilli nostri confirmauimus.||
Acta sunt hec anno domini MCLXXXVIII. Indictione VI. VIIII. kalend. Februarii in loco Sancti ypoliti feliciter.

Source Fulltext: OÖUB 2 (Wien 1856) S. 407-409