Nos O. dei gratia (Pataviensis Ecclesie Episcopus) Notum facimus vniuersis hanc litteram inspecturis, quod, cum inter dilectos in Christo fratres S. prepositum et conuentum domus sancti Floriani ex una parte et dominum H. scribam anasi ex altera super Ecclesia sancti Michaelis in Wachawe questio uerteretur, tandem in nostra presentia idem negotium terminatum exstitit, iuxta quod in instrumento super hoc confecto continetur, cuius est tenor per omnia in hec uerba: Siboto dei gratia prepositus, Hainricus Decanus totusque conuentus Ecclesie sancti Floriani omnibus hanc paginam inspecturis salutem. Notum facimus vniuersis, quod, cum lis inter nos et dominum hainricum scribam anasi super Ecclesia sancti Michaelis in Wachowe uerteretur, quam nos Siboto prepositus eidem domino Hainrico quadam dissensione faciente ignorante conuentu contuleramus pariter et inuito, mediante domino nostro venerabili Episcopo Patauiensi viris probis presentibus et honestis tandem sic lis eadem est decisa, quod nos prepositus et conuentus prefato domino hainrico singulis annis quatuor carradas vinj et duos modios triticj jn Austria scilicet jn Wachowe in vindemio persoluamus. Quocunque uero anno prefatas quatuor carradas vinj et prefatos modios triticj sibi temere soluere neglexerimus, ipse se de Ecclesia sancti Mychaelis jn Wachowe libere intromittet, contentus tamen illa prebenda et illis prouentibus, quos habuit pie memorie plebanus Gotfridus. Cuius metas si excesserit, iura, que nobis pariter et ypolitensibus in decimis frumentj et vinj eiusdem Ecclesie conpetunt, inuadendo, cum sint nostrarum substantialia siue subsidia prebendarum, Ipse prefatus dominus Hainricus pro tali contumacia cadet penitus a suo iure. Adiectum est etiam, quod si propter pruinam uel aliam aeris intemperiem sterilitas terre tanta erit, quod uinum haberi nou potest, tunc secundum communem cursum terre pro prefato sibi denarios persoluemus. Ipse uero secundum defectus quantitatem gratiam nobis faciet, quam sua discretio tempore uiderit expedire. Et quod hec rata maneant et firma Ecclesie, in signum ratihabitionis cum sigillo prepositi nos conuentus Sigillum nostrum appendimus huic scripto. Datum in sancto Floriano anno dominj M.CC.LVII. IIII. Idus Septembris. Nos uero premissa omnia, quibus rogati interfuimus a partibus et tractauimus, grata et rata habentes, ea auctoritate et patrocinio litterarum presentium confirmamus apponentes nichilominus sigillum nostrum pro cautela et testimonio huic scripto. Datum in Ebelsperch anno dominj M. CC. LVII. Nonas Octobris, Pontificatus nostri anno IIII.

Source Fulltext: OÖUB 3 (Wien 1862) S. 244-245, Nr. 256