Charter: Urkunden (900-1797) 1285 VIII 03
Signature: 1285 VIII 03
Add bookmark
Edit charter (old editor)
3. August 1285 (1285: ca.), St. Florian
Ulrich, Propst zu St. Florian, erklärt jeden Wohltäter des Klosters zum Teilnehmer an allen Verdiensten der gottesdienstlichen Handlungen, welche zu St. Florian verrichtet werden.Source Regest: OÖUB 4 (Wien 1867) S. 37-38, Nr. 41
Current repository:
Stiftsarchiv St. Florian (www.stift-st-florian.at)
Stiftsarchiv St. Florian (www.stift-st-florian.at)
Nur das Siegel des Propstes hängt an der Urkunde. Material: Pergament
Uniuersis christi fidelibus presentem litteram inspecturis Vlricus prepositus, Chunradus decanus totusque conuentus regularium canonicorum Ecclesie sancti Floriani Patauiensis Dyocesis fraternam in domino caritatem. Cum spiritualia corporalibus existere meliora nemo ambigat sane mentis, felix credenda est conmutatio et omnibus futuram salutem prouidentibus amplectenda, qua pro terrenis celestia, pro transitoriis eterna salubri conmercio capiuntur. Proinde ut fidelium mentes ad inpendendum nobis pro restauracione nostri monasterii de bonis temporalibus a deo sibi collatis pias Elemosinas et grata caritatis subsidia facilius inclinentur, Volumus, ut ipsi uersa uice pro hac seminacione terrenorum spiritualia nostra sibi metant domino concedente. Omnes igitur, qui pretextu memorati operis manum nobis porrexerint adiutricem, ad nostram admittimus firmitatem (sic pro fraternitatem) concedentes eis nichilominus participacionem spiritualem omnium bonorum videlicet missarum et aliorum diuinorum officiorum, orationum quoque, elemosinarum, ieiuniorum, vigiliarum, abstinentiarum, castigacionum et ceterarum spiritualium accionum, quas in domo nostra fieri in perpetuum dederit auctor bonorum omnium dei filius iesus christus. Insuper preter comunia (sic) et perpetua, que nostris benefactoribus consueuimus adhibere suffragia, quilibet de nostro conuentu sacerdos specialiter per annum nunc instantem in qualibet septimana duas missas, vnam de beata virgine pro benefactoribus prelibati operis adhuc uiuentibus, aliam defunctorum pro his, qui decesserint, celebrabit. Alii uero fratres non sacerdotes eque per annum et singulis septi manis loco missarum septem psalmos dicent pro viuis et vigilias pro defunctis. Generaliter autem pro omnibus benefactoribus nostris tam uiuis quam defunctis qualibet ebdomada in perpetuum tres missas, nisi obstet proprium diei offitium celebramus conmuniter in conuentu et ad omnes horas diuini officii singulis diebus preterquam in festis memoriam de ipsis specialem facimus et expressam. In horum itaque confirmacionem et testimonium presentem litteram conscribi et sigillorum nostrorum apensione (sic) fecimus conmuniri. Datum in domo sancti Floriani in die inuencionis sancti Stephani.
Source Fulltext: OÖUB 4 (Wien 1867) S. 37-38, Nr. 41
Original dating clause: in die inuencionis sancti Stephani
Language:
Places
- St. Florian
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}