Qvia humana natura prona est ad dissenciendum, necesse est, ut facta hominum caucione litteratoria confirmentur. Proinde nos Sighardus, Otakcherus, Albero et Petrus fratres dicti de Lobenstain scire volumus vniuersos presentem paginam inspecturos. quod lis, que inter nos ex parte vna et prepositum et Conuentum domus sancti Floriani ex parte altera super quibusdam bonis sitis in Raucheno^ede, siluis videlicet et campis cultis. et incultis ad eandem ecclesiam tytulo proprietatis pertinentibus vertebatur, per arbitrium prudentum virorum taliter est decisa vt nos easdem possessiones tenere debeamus ad censum trium solidorum in die sancti Galli annis singulis persoluendum talibus condicionibus adiunctis, quod, si nos statutum censum prescripto die, hoc est in die sancti Galli, soluere neglexerimus, infra dies quatuordecim subsequentes superaddamus censui Ix. denarios pro emenda. Neglecta vero solucione eorundem quinque solidorum infra quatuordecira dies iterum subsequentes lx. denarios cum predictis quinque solidis tenebimur exhibere. Quodsi nec illos VII. solidos persoluerimus infra dies quatuordecim tercio subsequentes lx. denarios cum predictis VII. solidis tribuemus. Si uero nec illi nouem solidi fuerint persoluti, sequenti anno in die sancti Galli eosdem nouem solidos cum censu eiusdem anni, hoc est duodecim solidos persoluemus. Illo eciam pretermisso rursus ad emendam VI. solidorum infra sex ebdomadas obligati sumus ordine supradicto. Et si eosdem sex solidos cum predictis duodecim solidis, hoc est XVIII. solidos finitis VI. ebdomadibus festum Galli sequentibus soluere non curauerimus, predicte possessiones ex tunc ad utilitatem Ecclesie prelibate sine qualibet contradiccione nostra vel heredum nostrorum reuertentur. Insuper eciam sciendum, quod, si prefata predia VIII. ex nobis fratribus vel alicui successorum nostrorum ex integro in porcionem cesserint, idem od eundem censum tenebitur persoluendum. Quod si neglexerit, omnes possessiones ed eos redibunt nullo nostrum vel heredum nostrorum in eisdem prediis sibi ius aliquod vendicante. Si vero iuxta numerum coheredum in partes diuersas eadem bona fuerint diuisa, quicunque ipsorum partes illas habentium partem census, que ipsum contingit, soluere neglexerit, idem a suo iure cadet et pars possessionis, que eundem respicit ad nos aliis heredibus non contradicentibus reuertetur. Census eciam supradictus exhibendus est prelato vel alii, cui fecerit assignare. Ego eciam Sighardus et fratres mei Otakcherus et Albero, qui prescripto interfuimus arbitrio, data fide promisimus, quod fratrem nostrum Petrum ad ratihabicionem eiusdem conposicionis inducere debeamus eo, quod presens non fuerit in hoc facto, Alioquin pro ipsis stabimus, quicquid grauaminis senserint ab eodem. In cuius rei testimonium presentem litteram scribi fecimus et duorum sigillorum nostrorum munimine roborari, Set et alii duo Albero uidelicet et Petrus sua sigilla, cum acquesserint, debent apponere, qui tunc temporis sigillis propriis caruerunt, Testibus adnotatis, qui sunt Dominus Poppo et filius suus Hugo de Reichenstain, dominus Heinricus de volchensdorf, dominus Otto de zelking, dominus Chunradus de volchensdorf, Fridericus Castor et fratres sui Wernhardus et Chunradus, dominus Perchtoldus de Harthaim, dominus Hainricus de Ode, dominus Hermannus Gneusso, dominus Otto Wolfstain, Chunradus vbelacher, Chunradus Ekker, Hainricus Swainpekch, Vlricus de Sintzenperig, Seyfridus de Waliching, Ortolfus de Stadel, Heinricus Jacober, Eberhardus de Hage, Hainricus Judex libere Ciuitatis et plures alii, qui eidem facto interfuerunt, audiuerunt pariter et uiderunt. Datum in domo sancti Floriani anno domini M°.CC°.LXXXVI°. in die sancti Sebastiani martiris.

Source Fulltext: OÖUB 4 (Wien 1867) S. 40-41, Nr. 45