Nos Wernhardus dei gratia ecclesie Patauiensis Episcopus Notificamus vniuersis presentes litteras inspceturis, quod nos multam honestatem Monasterii sancti Floriani martyris ordinis sancti Augustini nostre dyocesis attenta consideracione pensantes, quod videlicet diuino cultui, obseruancie ordinis ac hospitalitatis oneribus deccentissime insistitur in eadcm, ideoque dignum reputantes et iustum, vt prefatum honorabile monasterium fauoris prosequamur beneuolencia specialis. Venerabili fratri domino Vlrico preposito et fratribus eiusdem monasterii et eorum successoribus capituli nostri aecedente consensu benigne concedimus, ut cedente vel decedente presenti Rectore Ecclesie Parrochialis in Ryed nostre diocesis, in qua ius obtinent patronatus, redditus et obuentiones eiusdem suis perpetuis vsibus applicent et adiungant ita, vt temporalium plena perceptione letentur reseruata tamen perpetuo seculari vicario congrua porcione, vnde possit salua sustentatione sua onera sedis apostolice ac legatorum eius ac eciam iura Episcopalia ceteraque canonice incumbencia congrue supportare, qui etiam vicarius ad presentacionem eorundem prepositi et fratrum instituetur per episcopum eiusque iurisdicioni tam in Capitulorum frequentacionibus quam in aliis canonice subiacebit. Predicti etiam prepositus et fratres multam beneuolenciam per nos et Capitulum nostrum ipsis pluries exhibitam et impensam prouide attendentes pro se suisque successoribus ex liberalitate propria promiserunt, quod dum noster, succcssorum nostrorum vel confratrum nostrorum patauiensium uidelicet canonicorum obitus ipsis innotuerit, pro nobis, successoribus ac confratribus antedictis missas, vigilias aliasque propiciationes deo persoluant, quas pro suis facere confratribus consueuerunt, et nichilominus post nostrum videlicet Episcopi obitum anniuersarium Depositionis nostre diem cum debita decentia peragant annuatim et prepositus, qui pro ternpore fuerit, eadem die ad pitancias et consolationes vniuersorum confratrum monasterii de prouentibus ipsius Ecclesie amministret duas libras denariorum dicto die in vsus huiusmodi conuertendas. Quare in virtute sancte obediencie districtissime inhibemus, ne quis prepositus dicti monasterii confratribus suis vllo vmquam tempore subtrahere vel diminuere audeat vel presumat consolacionem predictam. Si quis autem hoc attemptare presumpserit, per nos et successores nostros se nouerit de inobediencia puniendum. Nos etiam ad predicte concessionis ac etiam inhibitionis euidenciam et robur perpetuum presentes damus litteras nostri Capitulique nostri sigillorum munimine roboratas. Datum Patauie Anno domini M. Ducentesimo Nonagesimo, VIII. Jdus Junii.

Source Fulltext: OÖUB 4 (Wien 1867) S. 131-132, Nr. 138