Ut illa, que presencialiter geruntur, inposterum patenter luceant, non inaniter literarum conficitur firmitudo. Proinde nos ainwicus miseracione diuina prepositus, Heinricus Decanus totusque domus sancti floriani Conuentus notum facimus vniversis presentem paginam inspecturis, quod discretus vir Herwordus de Chremsdorf nobis familiaris et dilectus gener domini Leutoldi de Wald a domino Hainrico Volkenstorfario de Neunhouen vnam hubam circa Sippach dictam an dem aigen et vnum Molendinum ibidem dictum Scherren que nominaturn Volkenstorfarium iure contingebant proprietario, sua pecunia comparauit. Quorum quidem proprietatem predictus Herwordus Ecclesie nostre donauit eadem de manu nostra iure pheodali tamquam nostram possessionem cum omnibus suis heredibus resumendo tali adhibita caucione, vt videlicet predictus herwordus et heredes ipsius annis singulis et perpetuo in festo sancti floriani nobis xii. denarios de possessionibus eiusdem in signum proprietatis perpetuo exhibere census nomine teneantur. Si vero a predicto termino per dies quatuordecim iam dictum censum nisi causa legittima prepediti dare neglexerint, lx. denarios pro emenda censui superaddent, in qua pena nobis tociens erunt obnoxii, quociens memorati spacium temporis vsque tercio duxerint negligendum, et sic computatis in vnum denariorum sex solidis punientur, quam summam si transacto anno cum duobus eciam censibus anni preteriti et presentis nobis tardauerint exbibere, cadent a iure totaliter, quo per nostram collacionem gaudebant, et nos possessiones predictas vsibus nostris libere tenebimur sine ipsorum contradictione qualibet aggregare. In cuius rei testimonium presentes sibi dedimus literas Sigillorum nostrorum munimine roborotas. Actum in sancto floriano anno domini M°. CCC°. II°. agnetis virginis et martiris christi.

Source Fulltext: OÖUB 4 (Wien 1867) S. 406-407, Nr. 437