Wernhardus dei gracia Ecclesie Patauiensis Episcopus dilectis in christo fratribus domino Ainwico preposito ... , ... decano et Conuentui Ecclesie de sancto floriano Salutem in domino. Etsi generaliter ex incumbentis nobis pastoralis officii sollicitudine cunctis Ecclesiis nostre dyocesis ad dilatationem sui comodi nos recognoscamus obnoxios, illas tamen specialiori gracia complectimur, que nobis inmediacius attinent, diuinisque officiis feruencius inseruiunt et humanis oneribus frequentius opprimuntur. Sanc ad relevationem Ecclesie vestre de sancto floriano nostre dyocesis liberalitatem nostram, dum vestras et ipsius necessitates perpendimus, duximus extendendam. Hec est enim ordinis specula Et religionis exemplar, Hec est illa, que fouet exules et consolatur indigenas, quaque in se fauorem singulorum excitat, — in hospitalitatis exercicio preferens vicem marthe. Hac nimirum consideratione permoti vobis auctoritate ordinaria indulgemus et potestatem damus in hiis scriptis ius et auctoritatem in omnibus Ecclesiis vestris sev in quibus ius patronatus habetis per nostram dyocesem tollendi et recipiendi fructus et obuenciones earum per continuum triennium, in qualibet videlicet vna et prima vice vacacionis tantummodo et non amplius ila, quod eosdem fructus vestris necessitatibus presertim aqueductus foncium, quibus non sine tedio et defectu caruistis hactinus, inpendatis. Hanc tamen graciam ad minores vestras Ecclesias, de quibus in absencia veris pastoribus nichil solui consueuit, non duximus extendendam. Proviso, quod predicte Ecclesie debitis non fraudentur obsequiis et in eisdem onera canonica modo debito supportentur. In cujus rei testimonium presentes dedimus literas nostro sigillo munitas. Patavie Anno domini M°.CCC°. tercio, xv. Kalendas februarii.

Source Fulltext: OÖUB 4 (Wien 1867) S. 427-428, Nr. 462