Nos ainwicus divina miseratione prepositus, H. Decanus totusque conuentus domus sancti Floriani Tenore presentium profitemur, quod dominus Rudigerus de Hutt visceribus pietatis perpendens, quia sancta et salubris est cogitatio pro defunctis exorare, vt a pectis absoluantur, et prudenter pro genitoribus sibique nec non successoribus suis prouidens quoddam predium in puchil situm de sua pecunia conparatum Ecclesie nostre in vsus perpetuos assignauit petens suppliciter et deuote, vt principaliter propter deum de vna missa defunctorum per omnem ebdomadam in secunda feria, si tamen eadem dies a sollempnitate vacat, vellemus pro suis progenitoribus, pro se suisque successoribus prouidere. Nosque huiusmodi petitionem deuotam et meritoriam attendentes Ecclesie nostre camerario conmisimus, vt eandem defunctorum missam omni ebdomada uel per se uel per alium procuret dicendam et predictum predium eidem conmisimus, vt de prouentibus illis missam defunctorum dicenti ad singulas missas tres denarios debeat exhibere. Si autem eadem missa in secunda feria comode non potest celebrari, nunquam tamen extra eandem ebdomadam differatur, sed quocumque die oportunum fuerit, celebretur. Hec autem ordinatio sua, si per negligentiam non obstante aliquo legitimo inpedimento fuerit pretermissa nec post trinam ammonitionem heredum suorum fuerit emendata, senior de heredibus suis uel proximus consanguineus, si liberis caruerit, de prescripto predio in pvchil tanto tempore se intromittet, donec ea, que neglecta sunt, reuocata fuerint et correcta. Facta autem correctione is, qui pretextu huiusmodi ordinacionis sue de premisso predio se intromiserat, nichil vlterius habebit disponere cum eisdem. Verum si ductus amore dicti predii ad restitutionem se difficilem reddiderit, super rehabitione ipsius predii conuentns aduocati sui auxilium inuocabit. Vt autem talis ordinatio domino Rudigero de hutt suisque successoribus inuiolabiliter obseruetur, presentem ei literam dedimus sigillorum nostrorum munimine roboratam cum testibus annotatis, qui sunt dominus Heinricus de volchenstorf, Dominus Chunradus de Capella, Dominus Heinricus de lonstorf, Dominus perichtoldus de harthaim, vlricus chraiarius et alii plures, qui eidem facto interfuerunt, audierunt pariter et uiderunt. Acta sunt autem hec in domo sancti floriani Anno domini M°. CCC°, IIII°. Jn die Epyphanie.

Source Fulltext: OÖUB 4 (Wien 1867) S. 454-455, Nr. 490