Ich Meingoz von Waldekk Chorherre ze Pazzaw vnd Chirchherr ze Syernikch tu^en chunt allen den, di disen brief ho^erent, sehent vnd lesent, daz ich daz gu^et datz Anger, daz meins Gotshaus widem gewesen ist hincz Syernich, han geben Hainreichen von Perchaim vmb sechs phunt alter wienner Vnd han auch dem vorgenanten Perchaimer gelu^ebtt, daz ich iem schol geben meins herren brief von pazzaw. Vnd daz die red sta^et vnd gewiˆs sey, gib ich iem meinen brief versigelt mit meinem Insigel. bey den taydingen ist gewesen her Hainreich von volkchenstorf, her Ru^eger von Hu^ett, der Aespein von Hag, her Perchtolt von Harthaim vnd Vlreich der Chreyer vnd Herwort von Chremstorf vnd ander piderb lau^et. der brief ist geben, do von Christi gepu^erd vergangen waren Tausent iar, dreuhundert iar vnd in dem sechsten iar an sand Symons tag.

Source Fulltext: OÖUB 4 (Wien 1867) S. 511, Nr. 548