Necessaria est literarum confectio, vt in posterum rerum actiones inconcussa loquatur serie et emergentibus litigiosis instaneiis obliuionem expellat et firmum prebeat obstaculum testimonio veritatis. Proinde Ego Albertus dictus wolfstain notum facio vniuersis presentem paginam inspecturis, quod ob dilectionem dei et amorem germani mei domini Dietrici felicis memorie domus sancti floriani Canonici et ob remedium progenitorum meorum tradidi iam dicte Ecclesie duas hvebas in Mos sitas XXti scaffia siliginis et auene annis singulis cum aliis attinenciis seruientes, Quarum vnam pro Structura siue fabrica Ecelesie, alteram vero pro augendis denariis, qui pro tempore minucionis consueuerunt dari fratribus deputaui. Legaui etiam eidem Ecelesie de consensu heredum meorum omnium tria pheoda sita in Aichperg XII. scaffia siliginis et VI. scaffia auene, in autumpno III. anseres , VI. pullos , in Natiuitate domini XXXVI. denarios, in Carnis briuio VI. pullos, in pasca VI. solidos ouorum et VI. caseos et dimidium talentum denariorum pro stevra soluencia annuatim. De quibus adhuc viuus et incolumis tale condidi testamentum, vt in die anniuersarii mei, quem sequenti die proximo post Seruacii tam in vita mea quam in morte dicte Ecelesie fratres tenentur annis singulis vtpote vnius ipsorum consorcii sacerdotis perpetuo celebrare, Infirmarius eorum, qui pro tempore fuerit, de dictis prouentibus V. scaffia siliginis redacta in panes et carnes pro tota auena conparatas in Elemosinas pauperum largiatur, eodem etiam die fratribus I. libram denariorum pro ipsorum deuocionibus et in festo XI. Milium virginum X. solidos denariorum pro celebracione noue hystorie, quam in honore dictarum virginum institui, tribuendo. Minuta vero seruicia labores jnfirmarii, qui procuracionem huiusmodi faciet, reconpensent. Profiteor etiam, quod si per iam dictorum fratrum negligenciam impedimento legitimo non obstante ordinacio mea predicta fuerit pretermissa et ad trinam monicionem heredum meorum uel consanguineorum non fuerit emendata, senior de meis heredibus uel alter de mei linea germinis omnes prenominatos redditus et ipsorum huebam in pruk iuxta volchenstorf de Conuentus permissione voluntaria in suam recipiant potestatem tamdiu eadem possidendo, quoadusque talis negligencia plene reuocata fuerit et correcta; facta vero emendacione ipse, qui se pretextu negligencie huiusmodi de dictis possessionibus intromiserat, nichil habebit amplius disponere cum eisdem. Quodsi forte ad restitucionem possessionum se difficilem redderet earundem, super rehabicione ipsarum aduocati sui auxilium inuocare protinus tenebuntur. Ne igitur dicta Ecclesia sancti floriani, cui multe deuocionis et dilectionis zelo permotus bona prescripta in jus perpetuum tradidi, ab heredibus uel consanguineis meis distractionem uel alienacionem eorundem in posterum paciatur, sed eis libere gaudeat, testamentum meum inde conditum perpetuo et fideliter obseruando presentes feci scribi literas et sigillorum domini heinrici de volchenstorf et mei ipsius robore conmuniui Testibus subnotatis, qui sunt domini heinricus de volchenstorf, heinricus de Lonstorf, Chunradus de Capella, Rudigerus de hu^ett, Espinus de hag milites, heinricus et Siboto filii domini heinrici de volchenstorf, Otto perchaimer, herwordus Chremstorfer, heinricus hiertel, Otto welichinger, dietmarus et fridericus cognomento wolfstain et alii quam plures, qui presenti tractatui interfuerunt ipsumque audiuerunt pariter et vider unt. Actum in sancto floriano anno domini M. CCC°. XI, in die sancte et indiuidue trinitatis.

Source Fulltext: OÖUB 5 (Wien 1868) S. 57-58, Nr. 55