Non poterat sapientum industria quiequam caucius inuenire, per quod tractatuum acta presencium noticie futurorum transmitteret, ne obliuioni succumbant vel vim instancie paciantur, quam firmitudinem testimonialium literarum. Proinde ego Herbordus cognominatus de Chremstorf presencium tenore profiteor et constare volo ipsarum inspeetoribus vniversis, quod venerabiles et karissimi domini mei domini Ainwicus prepositus, Heinricus decanus totusque domus sancti floriani conuentus Curiam suam in Posch, quam a Chunrado decimatore ipsorum de Go^emreiching pro mea pecunia conparaui, michi et vxori mee Agneti necnon meis heredibus vniuersis cum omnibus suis attineneiis cultis et incultis, quesitis et querendis ad censum lxxviii. denariorum nouorum wiennensium et eo iure, quo ipsam decimator predictus ab ipsis noscitur possedisse, contulerunt perpetuo possidendam. Qui quidem census si in Natiuitate beate virginis Marie singulis annis predicte Ecclesie sancti floriani a me non fuerit persolutus, accrescent in quatuordecim diebus lx. denarii pro emenda. Qua pena tam ego quam heredes mei talem post me negligenciam conmittentes tociens grauabimur, quociens prefata negligencia conmissa fuerit vsque tercio ad spacium temporis memorati et sic elapsis a termino solutionis census sex septimanis et durante per annum negligencia omni iure dicte Curie priuabimur, quo de predictorum dominorum gracia gaudebamus, eadem Curia sine contradictione qualibet ad ipsos libere deriuata. Profiteor quopue, vt, si ego vel alter heredum meorum ductus fortassis inopia vel alia causa quacunque cogar vendicioni exponere Curiam prenotatam, ipsam primo ad emendum debeam predictis dominis exhibere, quam si noluerint vel nequierint occupare, forum tunc inibo cum persona altera, condicionis tamen illius, cuius fuit ille, a quo eandem Curiam primitus conparaui, hoc est, qui coloni et agricole nomine censeatur; graciam etenim, quam mihi familiaritatis pretextu sepedicti domini mei in iam dicta Curia concesserunt, nulli vsquam potentum, per quos Ecclesie iure suo plerunque defraudantur, volunt aliqualiter indulgere. In cuius rei testimonium presentes scribi feci literas et sigillorum dominorum Eberhardi de walse et heinrici de volchenstorf, quia proprium non habui, petiui munimine roborari, Testibus subnotatis, qui sunt domini Espinus de hag, wolfkangus wolfstainensis, heinricus de Alhartingen milites, Otto perchaimarius, Meinhardus de Sintzenperg, vlricus chre\aerus, chunradus harthaimarius, dietricus de pruk, hertwicus de Gaugenperg et alii fide digni quam plures, qui scienter de prescripto negocio cognouerunt. Acturn in saneto floriano Anno M°.CC°C.XII°I In Epyphania domini.

Source Fulltext: OÖUB 5 (Wien 1868) S. 92-93, Nr. 89