Negociorum ac tractatuum causas litterarum testimonio merito decet eo diligencius confirmari, quo necessario transmitti debent memorie futurorum. Proinde Ditmarus dictus Wolfstain et vxor mea domina Margareta Relicta quodam domini Ottonis de Stetten publice profitemur coram omnibus tam futuris quam presentibus in hijs scriptis, quod hv^eba trans ippham dicta schilchnhu^eb, quam uenerabiles et graciosi domini nostri Heinricus prepositus et conventus de sancto floriano nobis de fauoris specialis gracia jure tantum precario, quod personale dicitur, contulerunt, omnibus pensionibus et seruicijs magnis ac minutis ab olim institutis tanquam ueri coloni debemus sine contradiccione qualibet subiacere videlicet infirmarie ipsorum, ad quam eadem Hu^eba pertinet Natiuitate sancte Marie vnum talentum denariorum, Martini VII solidos denariorum wiennensium nouorum, jn Autumpno duos anseres IIII pullos, Carnispriuio II pullos, in pascha lx Oua, IIII caseos integraliter persoluendo. Et si eundem censum in prenotatis terminis soluere neglexerimus, accrescent in quatuordecim diebus lx denarii pro emenda, que pena tociens comitetur, quociens prefata negligencia per spacium memorati temporis usque tercio per nos fuerit iterata. Et si decursis a termino solucionis census VI septimanas (sic) et durante per annum negligencia eadem a iure totaliter supradicto (cademus). Gratam ergo uicissitudinem antedictis dominis nostris rependere cupientes vineam nostram in rosazz, quam a fratre meo friderico per resarcionem aliarum uinearum in Wachouia totaliter absoluimus, de consensu suo et aliorum amicorum et heredum nostrorum Ecclesie sancti Floriani predicte post mortem nostram accedere ex nunc disposuimus et legamus. De qua quidem uinea jnfirmarius ob nostrarum et progenitorum nostrorum (animarum) salutem conueniens remedium quod ex tunc deliberacione statuatur, discreta annis singulis dominis et confratribus ministrabit. Ne igitur prehabitis dominis super hu^eba et vinea predictis ab heredibns nostris uel amicis, quibus nullum ius in hiis competere dinoscitur, lis et contencio inposterum oriantur Sed nobis vtrisque defunctis sine difficultate qualibet deriuentur ad Ecclesiam ||
sepedictam, presentes litteras sigilli mei robore Ad maiorem cautelam domini Heinrici de volkenstorf Sigilli munimine confirmauimus Testibus subnotatis, qui sunt domimis heinricus de Lanstorf, Heinricus de alharting, Espinus de hag Milites, Herwordus Chremsdorfarius, Otto perchaimarus, Chunradus Harthaimarius, Meinhardus de Sinczenperg, Sifridus de welching, Heinricus Hiertel et alii quam plures fide digni, qui presencia cognouerunt. Datum in ecclesia predicta Anno domini M. CCC. XV. Othmari Confessoris.

Source Fulltext: OÖUB 5 (Wien 1868) S. 153-154, Nr. 156