Negociorum causas ac tractatuum materias litterarum testimonio merito decet eo diligentius confirmari, quo firmius transmitti debent memorie futurorum. Proinde nos heinricus miseracione diuina prepositus, P. Decanus totusque domus sancti Floriani conuentus Tenore presencium profitemur, quod ditmari Wolfstainensis fidelitatem constantem, qua nos et ecclesiam nostram sincere diligit, consideracius intuentes sibi et uxori sue domine margarete quondam relicte Ottonis de Stetten hu^ebam nostram trans ipham dictam Schilichhub iure tantum contulimus personali condicione huiusmodi subsequente, vt omnibus pensionibus et seruicijs magnis et minutis ab olim de eadem hu^eba institutis tanquam veri coloni sine condicione qualibet debeant subiacere videlicet Infirmarie nostre, ad quam eadem pertinet, Nativitatis sancte Marie I talentum denariorum, Martini VII solidos denariorum wiennensium nouorum, in autumpno II anseres, iiii pullos, in carnispriuio II pullos. In pascha lx ova, IIII Caseos integraliter persoluendo et si eundem censum in prenotatis terminis soluere neglexerint, accrescent in quatuordecim diebus lx denarii pro emenda, que pena tociens comitetur, quociens prefata negligencia per spacium memorati temporis usque tercio iterata fuerit et sic decursis a termino solucionis census VI septimanis et durante per annum negligencia cadent a iure totaliter supradicto ad nos sepedicta Huba libere reuertente. protestamur eciam, quod non occasione aliqua debemus predicto censui exaccionem adicere uel augmentum. In cuius rei testimonium presentes litteras sigillorum nostrorum robore confirmamus. Datum in Ecclesia nostra predieta Anno domini M. CCC. XV Othmari confessoris.

Source Fulltext: OÖUB 5 (Wien 1868) S. 152, Nr. 155