Ich Rveger Wolfstain hern Albrehtes svn des wolfstaines Tv^en chvnt allen den, die disen prief an sehent vnd ovch ho^erent lesen, die nv lebent oder her nach chvnftig werdent, daz ich mit verdahtem mv^et vnd nach meiner frevnde rat han gegeben ledichlich dem Goteshavs datz sand florian drev lehen, ainez datz dem Planchen, daz ander avf dem Slat, daz dritte datz zoeiloech pei nevnhoven ze einem Selgeraet meinem prveder Dietrichen vnd ovch mir also beschaidenlich, daz der Convent alle iar an vnserm iartag mit vigili vnd ovch mit der selmesse bege\an schvllen vnd der ir siehmaister ist, alle iar an dem vorgenanten vnserm iartag armen Laevten tailen sol einen Mvtte chornes vnd zwen pachen vmb sechs schilling pfenninge von dem vorgenanten gv^et. Daz dev red also staet beleib vnd vnvercheret, gib ich disen prief ze einem vrchvnde diser sache versigelt mit meinem anhangvndem insigel vnd die gezevg, di hie geschriben sint: Meinhart von Sintzenperg, Herbort der Chremsdorfer, Dietmar der wolfstain, fridrich sein prv^eder, Rveger der Holtzer, Hainrich der Chalnperger vnd ander biderb levt genveg, di da pei waren. Der prief ist gegeben, do von Christes gepvrd waren Tavsent jar, drev hvndert jar, dar nach in dem sehtzehendem jar an sand Mychels tag.

Source Fulltext: OÖUB 5 (Wien 1868) S. 177, Nr. 178