ICH Margareth vonn Capellnn vergich vnnd thue khvndt allen den, die den Brief Sechent oder hören lesen, die nnn lebent oder hernach khunfftig Sündt, dass ich mit guettem willen vnnd mit verdochtem mueth Recht vnnd Redlichen mit gunst vnnd mit guettem willen meines sohns hannssen von Capelln dem Spital zw Pulgarn vnser Styfftung dass wier (sic) gegebenn haaben dem orden von dem heilligen geist füer die Pesserung, die ich dem vorgenandten Spittal hett gelob, gib meines Rechten Erbes, das mich anerstorben ist von mein vordern vnnd mier Erthailt wardt von dem Edlen füersten hertzogen friderichen von Osterreich mit vhrkhundt Seiner brieff verschriben vnnder Seinem jnnsigl, zwen Muth waitz geltes auf zwayen lechen dass dem hadreins bey der Pulgcka, vnnd ain fuetter weins auf zwayen weingarttenn, ain halbs fuetter weins auf dem weingarttenn, der da leigt aujf dem geisberg, den die Reinbrechtin von meinem Bruder hatmaren hatt gehabt, und das ander halbs fuetter weins auff dem weingarten, den mein Brueder Rappot von den vötderen gekhaufft, der da ligt in der Strass, dartzue so will ich margretha von Capelln, das die vorgenandt gült ebigelichen zu dem Spittal gehn Pulgarn gehöre vnnd bleibe mit allem dem Recht, alss ich in hab jnngehabt Ledigelich an alle Annsprach, darüber so güb ich der Pfleg dits vorgenandten Spittalls die hanndtuest, die mier gegeben wardt von dem Edlenn füersten hertzogen friderichen vonn Österreich vnud von mein Bru^eedern, da Sy mit mier thailten. Dass dise Redt vnnd dise Sach füerbass Stätt vnnd vnnzerbrochen von mier vnd von allen meinen vrunten beleibe, darüber so gibe ich ||
disen brieff zw ainem Sichtigen vhrkhundte vnnd zu ainem Offen getzeugen vnnd zw ainer ebigen vestung diser Sach versiglt mit meinem jnnsigl vnnd mit meines sohn jnnsigll hannsen von Capelln vnnd mit herrn Albrechts jnnsigl von Khunring vnnd mit herrnn haugeins jnnsigl von Reichenstain. diser brieff ist gescbriben vnnd gegebenn wordtenn, da Seint Christus gebuerth ergangen waren Dreytzechen hundert Jahre, darnach in dem Sibentzechenten Jahre Ann St. Anngnes tag zw Steyreckh inn dem hauss.

Source Fulltext: OÖUB 5 (Wien 1868) S. 181-182, Nr. 183