Otto dei gracia Dux Austrie et Styrie, dominus Carniole, Marchie ae Portus naonis Vniuersis christi fidelibus tam presentibus quam futuris, ad quos presentes peruenerint, graciam suam et omne bonum. Constitutis honorabilibus et Religiosis viris . . Preposito et Capitulo Monasterii Sancti floriani deuotis nostris dilectis in nostre sinceritatis presencia quoddam nobis Priuilegium saluum et integrum a serenissimo domino et genitore nostro domino Alberto pie recordacionis Romanorum Rege traditum et indultum nobis exhibuere petentes humiliter, quatenus idem Priuilegium ipsis de benignitatis nostre clemencia innouare et confirmare dignaremur. Cuius quidem Priuilegii tenor de verbo ad verbum talis est: Albertus u. s. w. wie ddo. Neunburge am 4. Mai 1288. — Nos vero predictorum Prepositi et Capituli deuotorum nostrorum sincere dilectorum humilibus supplicationibus fauorabiliter inclinati Adtendentes nichilominus, quod in confirmandis et defendendis Religiosarum personarum graciis et libertatibus non minus quam in elargiendis beneficiis principis gloria extollatur ac retribucionis eterne premiis premiatur, Ipsis dictum Priuilegium cum articulis et clausulis in eo contentis innouamus, approbamus et presentis scripti patrocinio confirmamus. Et ne jura, libertates ac gracie, prout in dicta littera expressius sunt expresse, ab aliquo violentur sev aliqualiter infirmentur, Viceaduocato, quem eisdem Preposito et Capitulo pro tempore prefecerimus, presentibus duximus conmittendum, ut sepedictos Prepositum et Capitulum ac homines ecclesie Sancti floriani predicte in suis juribus foueat, manuteneat nostro nomine ac defendat. In cuius nostre confirmacionis euidens testimonium Sigillum nostrum presentibus duximus apponendum. Datum in Lintza in Octaua Johannis Baptiste, Anno domini Millesimo Trecentesimo vicesimo septimo.

Source Fulltext: OÖUB 5 (Wien 1868) S. 483, Nr. 486