Charter: Urkunden (900-1797) 1327 V 04
Signature: 1327 V 04
Add bookmark
Edit charter (old editor)
4. Mai 1327, o. O.
Der Propst und der Convent von St. Florian verbinden sich, den Jahrtag des Pfarrers Chunrat von Lav der Stiftung gemäss zu begehen.Source Regest: OÖUB 5 (Wien 1868) S. 476-477, Nr. 479
Current repository:
Stiftsarchiv St. Florian (www.stift-st-florian.at)
Stiftsarchiv St. Florian (www.stift-st-florian.at)
Mit zwei hängenden Siegeln. Material: Pergament
Nos Wernherus permissione diuina prepositus, Fridericus decanus totusque domus sancti Floriani conuentus notum facimus vniuersis presentes litteras inspecturis, quod discretus vir dominus Chvnradus dictus de Lav plebanus Ecclesie sancte Marie penes Everding ad ius nostri patronatus pertinentis volens apud nos anime sue simul et parentibus remedium facere salutare, quandam curiam Oetnvsch dictam prope Aistershaim sitam proprietario necnon hereditario iure possessam cum suis attinentiis videlicet agris, pratis et siluis de consensu et vnanimi voluntate suorum fratrum et vxorum ac sororum suarum et omnium heredum ipsorum donauit Ecclesie nostre perpetuo possidendam et jnfirmarie nostre specialiter adherendam, vt videlicet de predicte curie prouentibus annis singulis eiusdem jnfirmarie procurator, qui pro tempore fuerit, jn anniuersario domini Chvnradi plebani memorati dimidiam libram denariorum diuidat inter fratres, quibus ob hoc ad plenas vigilias et missas defunctorum sibi et parentibus suis sola die peragendas in perpetuum obligamur. Preterea jnfirmarius prefatus de prouentibus curie nominate talentum denariorum est percepturus, quod iuxta deuotionem et ordinationem domini Chunradi predicti plebani duabus suis consangwineis fratris sui filiabus Gertrudi et Eysale in Monasterio Monialium in Erlaco conmorantibus, quamdiu uiuunt, propter deum annis singulis assignabit pro suis defectibus releuandis; heredes enim fuerunt curie memorate. Ipsis uero ambobus (sic) defunctis idem talentum denariorum perpetuo diuidet inter nostros pauperes hospitalis. Infirmarius etiam pro minutis seruitiis lx denarios percipiet de curia sepedicta, quos pro labore suo propriis usibus reseruabit. Verum etiam si prefata curia in posterum siue uendita seu conmutata in bona forsitan alia redigatur, supradictis oneribus merito bona eadem subiacebunt. Ad quelibet igitur predicta perenniter peragenda nos et successores nostros stricte ac fideliter obligamus. In cuivs rei testimonium euidens presentes litteras sigillorum nostrorum munimine roboramus. Datum Anno domini M°. CCO°. XXVII°. In die sancti Floriani Martiris preciosi.
Source Fulltext: OÖUB 5 (Wien 1868) S. 476-477, Nr. 479
Original dating clause: In die sancti Floriani Martiris preciosi
Language:
Places
- o. O.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}