Charter: Urkunden (900-1797) 1328 IV 24
Signature: 1328 IV 24
Add bookmark
Edit charter (old editor)
24. April 1328, St. Florian
Propst und Convent zu St. Florian bestätigen die Stiftung ihres Mitbruders, des Spitalmeisters Albert von Wolfstein, welcher mit den Einkünften des Weingartens Smolatsch verschiedene Jahrtage ermöglicht hatte.Source Regest: OÖUB 5 (Wien 1868) S. 514-515, Nr. 513
Current repository:
Stiftsarchiv St. Florian (www.stift-st-florian.at)
Stiftsarchiv St. Florian (www.stift-st-florian.at)
Mit zwei hängenden Siegeln. Material: Pergament
Nos Wernherus miseracione diuina domus sancti floriani prepositus, Nycolaus decanus totusque ibidem Conuentus. Notum facimus vniuersis presentem paginam inspecturis, quod Albertus dictus Wolfstain Confrater noster Rector domus Hospitalis pauperum Ecclesie nostre quandam vineam in Wachav circa Weizzenchirhen sitam et Smolatsch dictam pro Quadraginta talentis denariorum Wiennensium conparauit eidem Hospitali perpetuo adherendam, Et quia idem Albertus amicis suis quibusdam et familiaribus defunctis, aliquibus ex caritate et amicicia aliquibus eciam ex pecunia ab ipsis percepta ad remedia tenebatur, nostri omnium de consensu et vnanimi voluntate inuiolabiliter perpetuo statuit obseruandum, quod eiusdem domus hospitalis gubernator et rector, qui pro tempore fuerit, de dicte vinee prouentibus annuis in anniuersariis dominorum Ortolfi de Muerring Decani Chremensis dimidiam libram et Ottonis Decani in Lonueld dimidiam libram et Dietmari dicti Wolfstain patrui sui vnam libram et domini Meinhardi de Sintzenperg dimidiam libram annis singulis diuidat inter fratres, quibus ob hoc ad plenas vigilias et Missas defunctorum perpetuo obligamur. Preterea Hospitalarius predictus cum dimidia libra sexaginta denariis additis, quos de quodam predio in Stochêch dicto percipit, vnam missam defunctorum in Capella sancte Katerine singulis secundis feriis pro remedio anime dicti domini Meinhardi celebrandam sollicite procurabit. In qua feria, si propter festorum occupacionem quandoque vel aliam causam legitimam conmode fieri non possit, die sequenti vel alia in eadem tuntaxat ebdomada suppleatur. Verum si vinea predicta in posterum siue vendita seu conmutata in bona forsitan alia redigatur, supradictis oneribus bona eadem merito subiacebunt. Ne igitur in supradictis omnibus vllis temporibus negligencia uel desidia inueniri debeat vel contingi, Presentes litteras in testimonium perpetuum conscriptas nostrorum munimine roborauimus sigillorum. Datum in Ecclesia nostra predicta Anno domini Millesimo Trecentesimo Vicesimo octauo, Georii Martiris.
Source Fulltext: OÖUB 5 (Wien 1868) S. 514-515, Nr. 513
Original dating clause: Georii Martiris
Language:
Places
- St. Florian
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}