Ich Janns von Tann vnd mein hausfraw Gedraut vnd all vnser erben wier veriehen offenbar an dem brief, daz her Durinch der pyber vnde sein sun Fridreich meinem Prüder herren vlreichen von Tann vnd mier di Hagmul besucht vnd vnbesucht gesatzzt habent ze rechtem satzz vnd denselben satz han ich gantz vnd gar aufgeben meinem pru^eder herren vlreichen von Tann also, daz ich noch mein Hausfraw noch mein erben dhainen tail noch dhain ansprach hintz dem selben satzz haben vnd ze einem waren v^erchu^end dierr sachh geben wier disen brief besigilten mit meinem Insigel. Der brief ist geben, do man zalt nach Christes gepu^erd dreutzehen hundert iar, darnach in dem vier vnd dreizzigistem jar, dez Mitichen vor Sunibenten.

Source Fulltext: OÖUB 6 (Wien 1972) S. 126f., Nr. 118