Albertus Dei gratia Dux Austrie et Styrie, Dominus Carniole, Marchie ac Portus Naonis Vniuersis tam presentibus quam futuris jn perpetuum. Honorabiles et deuoti nostri dilecti Hainricus Prepositus et Conuentus Ecclesie Domus Sancti Floriani quoddam Priuilegium saluum et integrum, non cancellatum, nec in aliqua parte sui viciatum sibi quondam per Illustrem Fridericum Ducem Austrie et Styrie predecessorem nostrum traditum et indultum nobis exhibuere, petentes humiliter et deuote, quatenus idem Priuilegium ipsis confirmare, approbare et innouare de nostra speciali gratia dignaremur, quod alias Litteris autenticis Serenissimorum Friderici Inperatoris Secundi, Rudolfi Aui nostri et Alberti Genitoris nostri et Friderici fratris nostri Romanorum Regum, Predecessorum nostrorum Illustrium innouatum vidimus et per singula approbatum, Cuius quidem Priuilegii tenor de verbo ad verbum per omnia talis est: In nomine Sancte et indiuidue Trinitatis Fridericus u. s. w. wie die Urkunde vom 8. December 1243. — Nos itaque cupientes, vt Loca religiosa studio nostro proficiant et perdicionis periculum non incurrant prefatis preposito et conuentu (sic) quibus pro sue deuocionis experientia digne nostri fauoris fructuosa prerogatiua debetur, cum Ecclesia, Personis et Rebus suis in presidium et amplexus nostre gratie specialis et protectionis assumptis ex nunc in antea prenotatum Priuilegium per omnes et singulos in ipso contentos articulos, sicut superius sunt expressi, ac omnia alia priuilegia, a quibuscumque tradita et indulta liberaliter approbamus, innouamus, confirmamus eisdem et presentis scripti patrocinio conmunimus. Nulli ergo omnino hominum liceat hanc nostre renouacionis, confirmacionis et defensionis infringere paginam, vel eidem temere contraire.||
Quod (si) quis secus attemptare presumpserit, indignacionem nostram grauissimam se nouerit incurrisse, In cuius rei testimonium presentes Literas scribi et Sigillo nostro iussimus conmuniri. Testes sunt venerabilis Pater dominus Albertus, Auunculus noster Episcopus Patauiensis, Viri nobiles Hainricus et Rudolfus fratres Comites de Schovnberch, Albero de Chunring, Johannes de Chunring, Eberhardus de Walse, Johannes de Capella, Fridericus et Rainpertus fratres de Walse et alii quam plures. Datum Lintze Anno domini Millesimo, cccmo Tricesimo quinto. VII. Kalendas Mai.

Source Fulltext: OÖUB 6 (Wien 1972) S. 163f., Nr. 155