Wier Johans vnd Leutolt von Chunring Obriste Schenken in O^esterrich, wier offen mit dem brief allen Leuten, Daz her Vlreich der wolueroewter vnd Rudolf der wolueroewter sein bru^eder mit vnser gunst vnd gütlichem willen zuien Jartaege ge widimpt vnd geschaffet habent Ebichleich ze begeen von den Gu^etern, als ier paider hantvest sagent, datz sand Michel in der wachawe, des wier Vogt vnd herren sein. Vnd wanne die vo^ergenanten Gu^etern in vnser gebiett likkent, dar um so sulle wier vnd wellen auch schiermen siw dem Egenanttn Gotshous datz sand Michel vnd auch den Herren ze sand Florian, dew ditz gotshaus Phleger sein, vo^er allem gwalt vnd vnrechten. Daz loben wier ze Laisten mit vnsern triwen — Mit v^erchunde ditz briefes, der geben ist Nach Christes gebu^erde drewtzehen Hundert iar in dem fumfvnd dreizziksten iar, Des Vreytages nach sand Margareten tag.

Source Fulltext: OÖUB 6 (Wien 1972) S. 172f., Nr. 165