Charter: Urkunden (900-1797) 1335 VI 11
Signature: 1335 VI 11
Add bookmark
Edit charter (old editor)
11. Juni 1335, St. Florian
Revers des Propstes und Konvents zu St. Florian, der Stiftung des Vicars Ulrich zu St. Johann am Windberg, welche er durch die Übergabe der Hube und des Zehents zu Ötzeinstorf (s. 1334 am 21. März) gemacht hat, nachkommen zu wollen.Source Regest:
OÖUB 6 (Wien 1972) S. 170f., Nr. 163
OÖUB 6 (Wien 1972) S. 170f., Nr. 163
Current repository:
Stiftsarchiv St. Florian (www.stift-st-florian.at)
Stiftsarchiv St. Florian (www.stift-st-florian.at)
Das Siegel des Propstes grösstenteils zerbröckelt, das des Konvents wohl erhalten.
Material: Pergament
Nos Hainricus diuina miseratione prepositus, Fridericus decanus Totusque Domus sancti floriani Conuentus notum facimus vniuersis presentem paginam inspecturis quod discretus vir Vlricus sacerdos et Vicarius perpetuus Ecclesie sancti Johannis Baptiste, pertinentis filialiter in waldchirhen, amicus nostre Ecclesie specialis, Vnam Huebam sitam in Villa, que dicitur Oetzeynstorf in Parrochia Sancti Oswaldi prope Liberam Ciuitatem cum duabus partibus decime eiusdem Huebe et in iam dicta Villa Trium Huebarum decimas, cuiuslibet Huebe partes duas pro sua Pecunia conparatas in anime sue perpetuum Remedium nostro Monasterio tradidit, obtulit et donauit perpetuo possidendas, conditionibus talibus adhibitis et adiectis, vt jdem Vlricus eadem Hueba cum decimis et prouentibus possessione quieta vtatur pro tempore vite sue nobis et Ecclesie nostre sex solidos denariorum wiennensium in Signum.proprietatis annis singulis presentando, jta tamen, vt anniuersarius dies sibi in vita sua in Crastino omnium animarum cum Missa et Vigiliis sicut apud nos fratribus et benefactoribus nostris fieri solet peragatur, Post obitum vero suum predicta Hueba cum decimis, cum plena auctoritate et prouentibus ad nostram ecclesiam reuertetur, et Camerarius, qui pro tempore fuerit in ipsius anniuersario memorato duo Talenta denariorum wiennensium de Conuentu dominis ministrabit. Insuper idem Camerarius de dictis bonis in Capella sancte Katherine vnam Missam semel in Ebdomada, feria quarta videlicet cum proprio Offitio eiusdem virginis Katherine cum Quatuor denariis tenebitur perpetuo conparare, minuta seruitia a dictis bonis prouenientia pro labore suis vsibus reseruando. Nos igitur pie donationi dicti Vlrici gratam vicissitudinem rependere cupientes ad omnia et singula supradicta fideliter et perpetuo adimplenda nos et successores nostros asstringimus et firmiter obligamus. In cuius rei testimonium presentes sibi dedimus Litteras Sigillorum nostrorum robore communitas, Datum in Domo nostra predicta, Anno domini Millesimo, Trecentesimo Tricesimo quinto, Barnabe apostoli.
Source Fulltext: OÖUB 6 (Wien 1972) S. 170f., Nr. 163
Original dating clause: Barnabe apostoli
Language:
Places
- St. Florian
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}