Ich H\ertneyd der Kaetringer vnd mein hausfra°w Elspet vnd alle vnser erben wir veriehen vnd tun chunt allen den, die disen brief sehent oder ho^ernt lesen, daz wir mit wol bedachtem mu°t vnd mit gu^etleichem willen nach rat vnserr freunt recht vnd redleich ze chauffen haben geben dem erbern Ritter herren Chu^enraten von Gotzleinsdorf (sic) ze den zeiten Lantrichter ob der Ens vnd seiner hausfrawen vrawen Elspeten vnd allen iern Erben vnser Hu^eb ze Rorbach, di vnser vreys aigen gewesen ist, vnd da der Pinter ze den zeiten auf saz mit alle deu, vnd darzu geho^ert ze Holtz vnd ze veld, besucht vnd vnbesucht vmb ein gelt, dez wir gar vnd gantzleich gewêrt sein. Vnd wir schu^ellen auch derselben Hu^eb vnd vor verschriben ist, ir gewer sein an aller der stat vnd in dez du^erft ist fur alleu ansprach vnd also Landes recht ist. Naemen seu darvber dhainen schaden, den schullen wir in ablegen vnd si schu^ellen den schaden haben auf vns vnd auf alle die, vnd wir haben besu°cht vnd vnbesu°cht. Daz die rede sta^et vnd vnzebrochen beleib, darvber geben wir disen brief versigilten ich Ha^ertneyd der Ga^etringer mit meinem anhangundem Insigel vnd mit herren dietreichs jnsigel von Harach, der ze den Zeiten vogt waz ze Wels vnd mit herren Vlreichs dez fu^elichen Insigel. der brief ist geben Nach Christes gepu°rd dreutzehen Hundert iar, darnach in dem sechs vnd dreizzigistem Jar an dem Samptztag vor Vaschang.

Source Fulltext: OÖUB 6 (Wien 1972) S. 198, Nr. 192